اشترك الآن في "مسرحنا" ويمكنك الحصول علي " جريدة مسرحنا " كل أسبوع أينما كنت أرسل حوالة بريدية الي مؤسسة الأهرام_شارع الجلاء_القاهرة_اشتراكات الاهرام/ جريدة مسرحنا .. سعر النسخة لمدة عام: 52 جنيها داخل مصر 65 دولارا للدول العربية 95 دولارا للدول الأجنبية

مونودراما الخنزير

قييم هذا الموضوع
(7 تقيم)

 

المنظر‮ ‬
ناصية زقاق‮  ‬قذر مع خلفية لأحد الحوائط‮ ‬
في‮ ‬الوسط صندوق قمامة وخلفه عامود نور‮ ‬غير مضاء‮ ‬
الاضاءة ليلية خافتة
تسمع أصوات كلاب بعيدة وصراصير ليلية وكل حين‮  ‬تلقي‮ ‬أكياس قمامة حول الصندوق‮ ‬
تظهر من الصندوق‮ ‬يد شخص تلقي‮ ‬بأكياس قمامة ومهملات مختلفة من داخل الصندوق لخارجه
نري‮ ‬علي‮ ‬الحوائط الخلفية قصاصات جرائد ومهملات قديمة بينها زي‮ ‬حريمي‮ ‬معلق باهتمام‮ ‬
يخرج شحتوت‮ ‬يده من الصندوق ويخرج بصعوبة‮  ( ‬فرحان‮ ) ‬يعلق علي‮ ‬رقبته حذاء كوتش‮ ‬
يرفعه الي‮ ‬الهواء محتفيا به..‮....‬
شحتوت
أديداس‮.. ‬أديداس‮.. ‬حبيبي‮.. ‬حلم حياتي‮.. ‬من زمان وأنا بادور عليك‮.. ‬شهور وأيام وأنا بأقلب في‮ ‬زبالة البلد كلها‮.. ‬أخيرا‮.. ‬أديداس‮ (‬بضعه علي‮ ‬كرتونة‮ ‬يسار المسرح بعناية شديدة‮) ‬
انت عارف‮.. ‬أنا كنت خلاص قربت أيأس‮.. ‬كنت ح البس أي‮ ‬شبشب والسلام‮.. ‬لكن كنت عايش بالأمل‮.. ‬وربنا حقق أملي‮..( ‬يجلس مائلا بجوار أديداس‮ ‬‮)  ‬لأ وإيه..‮. ‬شباب ولسه بخيرك‮.. ‬ماخبيش عليك أنا لقيت لحد دلوقتي‮ ‬أربع تجواز‮.. ‬بس مافيش ولا جوز فيهم زيك‮.. ‬انت حبيبي‮.. ‬انت الحب..‮. ‬الله علي‮ ‬جمالك‮.. ‬انت مالك خانق نفسك كده ليه‮.. ‬ما تفك كده واقلع الرباط اللي‮ ‬خانقك ده‮ (‬يمد‮ ‬يده‮ ‬يفك الرباط‮) (‬ثم‮ ‬يتوقف‮)‬
إيه مكسوف تقلع قدامي‮.. ‬طب خلاص خليه‮  ‬بس أنا ح اهويه شويه عشان النفس بس‮ ‬
أيوه كده عروتين بس أهم‮ (‬يفك الرباط قليلا‮ ‬‮) ‬
قوللي‮ ‬بقي‮.. ‬انت عندك كام سنة‮.. ‬ايه‮ ‬3 شهور‮.. ‬ليه انت تاريخ ميلادك كام؟
‮ ‬قصدي‮ ‬تاريخ صناعتك كام؟‮ (‬يضحك‮) ‬
روق كده وفرفش‮.. ‬تسمع مزيكا‮.. ‬آه طبعا عندي‮ ‬مزيكا‮ ‬
‮(‬يذهب‮ ‬يفتح أحد الأكياس من وراء الصندوق ويخرج راديو قديم ويشغل مزيكا‮) ‬
( 2 )
‮(‬يعود ويقلب في‮ ‬أكياس الزبالة‮) ‬
نسيت أعرفك بنفسي‮.. ‬محسوبك شحتوت‮.. ‬سني‮.. ‬لأ بلاش حكاية السن دي‮..  ‬محل إقامتي‮ (‬يصمت لحظة‮) ‬محل اقامتي‮ ‬حاليا الصندوق اللي‮ ‬قدامك‮.. ‬أيوة اللي‮ ‬أنا لقيتك فيه من شوية‮..  (‬لحظة صمت‮)  ‬نعم ؟؟‮  ‬باشتغل‮  ‬ما باشتغلش‮......  ‬إيه ؟؟‮  (‬يضحك‮) ‬
خصخصة‮ ‬
أنا ح أحكيلك من أول الصفحة‮.. ‬أنا كنت باشتغل‮.. ‬زمان‮.. ‬اشتغلت في‮ ‬شركة موظف
موظف قاعد علي‮ ‬بوابة‮.. ‬حضور وانصراف‮ ‬يعني..‮. ‬قعدت كتير ؟‮  ‬12 سنة‮.. ‬لحد ما جه اليوم المشؤوم..‮. ‬طلعوني‮ ‬خصخصة‮ (‬يضحك‮)  ‬أنا لغاية دلوقتي‮ ‬موش فاهم‮ ‬يعني‮ ‬إيه خصخصة‮.. ‬أنا أعرف البصبصة القصقصة‮.. ‬المصمصة‮.. ‬لكن خصخصة دي‮ ‬ما أعرفش معناها‮.. ‬مع اني‮ ‬كنت بثقف نفسي‮ ‬كتير‮ (‬يتكلم وهو‮ ‬يعبث بالأكياس‮) ‬كتاب‮.. ‬ورقة مجلة‮.. ‬ورقة جرنال‮.. ‬قريت عن حاجات كتير ماكنتش أعرف معناها وعمري‮ ‬ماخدتها في‮ ‬المدارس‮.. ‬وفي‮ ‬نفس الوقت عرفت ان فيه حاجات كتير بنعملها في‮ ‬حياتنا بس مالهاش أي‮ ‬معني‮.. ‬تقدر تقوللي‮ ‬إيه معني‮  ‬ان شركة كبيرة زي‮ ‬اللي‮ ‬كنت فيها تقفل بيبانها وتروح الناس بيوتها وتـــدي‮ ‬كل واحد كام ألف جنيه تعويض‮ ‬يصرفهم في‮ ‬شهر والا اتنين هه‮.. ‬ماترد عليا‮ ‬ياجبان؟ انطق‮.. ‬لأ لأ ماتزعلش‮ ‬يادودو‮ ‬ياحبيبي‮..‬
أصل أنا لما بتيجي‮ ‬السيرة دي‮ ‬بابقي‮ ‬زعلان قوي..‮.. ‬
أبويا الله‮ ‬يرحمه ماعلمنيش صنعة وأنا كنت خايب‮.. ‬من التعليم للشغل علي‮ ‬طول‮.. ‬بس هو عمل اللي‮ ‬عليه وقف جنبي‮ ‬أنا واخواتي‮ ‬البنات‮.. ‬لحد ما أخدت دبلوم تجارة وبعد أمي‮ ‬ما ماتت‮.. ‬أبويا حصلها‮  ‬والاخوات اتفرقوا واتجوزا وسافروا دول تانية‮..  ‬وأنا اتجوزت‮ (‬لحظة صمت‮) ‬بس ربنا ما أرادش اني‮ ‬يكون عندي‮ ‬أولاد‮ (‬يتذكر شئ وينظر للملابس الحريمي‮ ‬المعلقة علي‮ ‬الجدار‮ ‬‮).‬
آه بالحق نسيت أعرفكم ببعض‮.. ‬نادية‮.. ‬نادية بقي‮ ‬تبقي‮ ‬مراتي‮.. ‬أديداس‮ ‬يا نادية اللي‮ ‬كنت دايما باحكيلك عنه أخيرا لقيته‮ ( ‬ينظر للكوتشي‮ ‬بحزن‮ ‬‮) ‬حلم واتحقق بس‮ ‬ياخسارة‮.. ‬في‮ ‬آخر‮ ‬يوم من العمر‮.. ‬نعم‮.. ‬وانت مالك انت‮.. ‬ده موضوع كده بيني‮ ‬وبين نفسي‮.. ‬هـه‮ ‬ياسيدي‮ ‬مالكشي‮ ‬فيه أول‮ ‬يوم والا آخر‮ ‬يوم‮.. ‬ده قراري‮ ‬وموش راجع فيه‮..‬
‮(‬يفتح كيس قمامة ويخرج شيئا‮ ‬يأكله‮)‬
(3 )
تاكل هريسة..‮. ‬بلاش عشان السكر‮..‬
أنا بقي‮ ‬ما‮ ‬يهمنيش لا سكر ولا ملح باكل كل حاجة وأي‮ ‬حاجة وفي‮ ‬أي‮ ‬وقت وفي‮ ‬أي‮ ‬وضع.‮. ‬أنا بيجيلي‮ ‬هنا كل أنواع الأكل.‮. ‬امبارح مثلا أنا اتعشيت جمبري‮ ‬وحليت بجاتوه من اللي‮ ‬قلبك‮ ‬يحبوا ونمت نومة طويلة كلها كوابيس.‮. ‬
آه ماهو أنا بنام هنا.‮. ‬وعندي‮ ‬مخده وعندي‮ ‬بطانية‮ ( ‬يبكي‮ ) ‬بس ما بستحماش.‮. ‬
ما بلاقيش صابونة.‮. ‬بلاقي‮ ‬شامبو بس مابعرفش استحمي‮ ‬بيه.‮.‬
والا الكتب‮.. ‬آه م الكتب.‮. ‬أنا قريت حاجات في‮ ‬صناديق الزبالة عمري‮ ‬ما كنت أتخيل اني‮ ‬ح أقراها‮  ‬قريت شعر كتير جدا.‮. ‬قريت لشوقي‮ ‬ونزار قباني‮.. ‬وقريت لصلاح جاهين وقريت لعلي‮ ‬كونة‮.. ‬ماتعرفوش‮.. ‬ههه‮.. ‬واهو ماحدش‮ ‬يعرفوا‮ ‬غيري‮ ‬لأن كل أشعاره كانت بتترمي‮ ‬هنا‮.. ‬دورت في‮ ‬كتب الشعر عن الجمال‮ ( ‬يمسك بكيس زبالة ويمزقه‮ ‬‮) ‬دورت عن الحقيقة في‮ ‬كتب التاريخ‮ ( ‬ينظر داخل الصندوق‮ ‬‮) ‬سحبت كرسي‮ ‬وقعدت جنب العظماء أرسطو ونيتشه وبلزاك‮.. ‬وابتسمت للملوك والأباطرة‮ (‬يمسك عصا ويقلد نابليون‮ ‬‮) ‬الملك حيفضل طول عمره ملك حتي‮ ‬لو انهزم‮.. ‬أما الامبراطور فمحتاج انتصارات علي‮ ‬طول‮ (‬يضع العصا ويتناول كتاب من الزبالة‮).. ‬تخيل الكتاب ده اتكلف أد إيه..‮. ‬صاحبه تعب وسهر سنين‮  ‬وصرف فلوس أد إيه‮ ‬..‮. ‬كام دار نشر وكام مطبعة اشتغلت علشان الكتاب ده‮ ‬يطلع للنور والناس تقراه‮.. ‬أنا عن نفسي‮ ‬قريته عشر مرات..‮. ‬وفي‮ ‬الآخر‮.. ‬اتفضل‮ ‬ياسيدي‮ (‬يلقي‮ ‬الكتاب في‮ ‬الصندوق‮) ‬ح‮ ‬يتفرم ويرجع ورق خام من أول وجديد ودوارة العجلة علي‮ ‬كل رقاب البشر..‮(‬يلف‮ ‬يده خلف ظهره ليهرش‮) ‬لا مؤاخذة ممكن تهرش لي‮ ‬هنا في‮ ‬الحتة دي‮ ‬
‮.. ‬ماتعرفش‮ ( ‬يفكر‮ ‬‮) ‬طب خلاص ولا الحوجة‮ ( ‬يتناول العصا وبداخلها من خلف ملابسه ويهرش باستمتاع‮ ‬‮) ‬عايز أشيل بقي‮ ‬الهدوم الشتوي‮ ‬وأطلع الهدوم الصيفي‮ ( ‬ينظر الي‮ ‬ملابسه‮ ‬‮) ‬أنا موش عارف ده شتوي‮ ‬والا صيفي‮.. ‬يالله ماعلينا‮ ‬
انت عارف‮ ‬ياأديداس..‮.‬أنا من‮ ‬يومين رحت لفيت علي‮ ‬الصناديق اللي‮ ‬في‮ ‬الشارع اللي‮ ‬علي‮ ‬البحر‮.. ‬أيوه اللي‮ ‬فيه الفلل‮.. ( ‬يضحك‮ ‬‮) ‬كان‮ ‬يوم‮.. ‬الكلب عضني..‮. ‬هبر من رجلي‮ ‬حتة‮.. ‬أنا قلت موش مشكلة أهو‮ ‬يبقي‮ ‬عيش وملح‮.. ‬بعد كده بقينا صحاب بقي‮ ‬ياخدني‮ ‬ويفرجني‮ ‬علي‮ ‬صناديق الزبالة اللي‮ ‬في‮ ‬المنطقة بتاعته‮.. ‬صناديق ايه بقي‮ ‬وزبالة‮ ‬
(4 )
ايه‮ ‬..‮. ‬زبالة من اللي‮ ‬قلبك‮ ‬يحبها..‮. ‬وكبيرة وساعات بيبقي‮ ‬فيها كياس ملونة ومطبوع عليها صور‮.. ‬بس كلها فاضية كراتين وقزايز فاضية..‮. ‬علب كاكولا فاضية‮.. ‬قزايز ميه فاضية..‮. ‬علب بيتزا فاضية‮..‬
بالظبط زي‮ ‬البني‮ ‬آدمين‮.. ‬الجري‮ ‬المجنون ورا الفلوس خللي‮ ‬الانسان من‮ ‬غير مشاعر ولا أحاسيس انسان ممصمص
بمناسبة المصمصة نرجع لموضع الخصخصة‮.. ‬بعد بقي‮ ‬ما طلعوني‮ ‬خصخصة وصرفت الفلوس بتاعة التعويض باكوا ورا باكوا‮ ‬..‮. ‬لقيت نفسي‮ ‬علي‮ ‬الحديدة وماليش معاش‮.. ‬ما هو بيقولك بقي‮ ‬إيه..‮. ‬علشان‮ ‬يكون لك معــاش‮  ‬لا زم‮ ‬يكون عندك خدمة‮ ( ‬يحاول العد علي‮ ‬أصابعه‮ ‬‮) ‬ما علينا‮.. ( ‬بحزن‮ ‬‮) ‬ابتدت الدنيا تديني‮ ‬ضهرها‮ (‬إضاءة‮) ‬
ولو اديتني‮ ‬وشها ألاقيها مكشرة ومطلعة أنيابها‮ ‬
والبيبان كلها اتقفلت في‮ ‬وشي‮ ( ‬لحظة صمت ويبكي‮ ‬‮) ‬حتي‮ ‬نادية هجرتني‮ ‬ومشيت
‮( ‬لأديداس‮ ‬‮) ‬وانت مال أهلك بتتكلم ليه دلوقتي‮.. ‬أيوة‮ ‬ياسيدي‮ ‬باعتني..‮. ‬خصخصتني
سابتني‮ ‬ومشيت من‮ ‬غير انذار‮.. ‬مشيت في‮ ‬الوقت اللي‮ ‬أنا كنت محتاج لها فيه..‮. ‬سمعت بعد كده انها ماتت‮.. ( ‬يذهب الي‮ ‬الملابس الحريمي‮ ‬المعلقة علي‮ ‬الحائط‮ ‬‮) ‬بس أنا لسه باحبها‮.. ‬نادية‮ ‬ياحبيبتي‮.. ‬أنا جايلك
انتي‮ ‬سيبتيني‮ ‬ومشيتي‮.. ‬بس أنا موش قادر أعيش خلاص‮.. ‬أنا ح أسيب الدنيا واجيلك‮ ‬
انتي‮ ‬موش لسه بتحبيني‮.. ‬وأنا عمري‮ ‬ما نسيتك‮ ‬ياحياتي‮..  ‬
ولا جنس مخلوقة دخلت حياتي‮ ‬من بعدك‮ ‬
تعالي‮ ‬ياحبيبتي‮.. ‬تعالي‮ ( ‬يأخذ الملابس من علي‮ ‬الجدار علي‮ ‬ذراعيه ويرقص معها رقصة رومانسية‮ ) (‬يسقط كيس قمامة‮) (‬ينهي‮ ‬الرقصة ويجلس في‮ ‬حزن‮)‬
ياخسارة..‮. ‬الأحلام ما بقتش موجودة في‮ ‬أجندتي‮.. ‬حتي‮ ‬الغنا‮.. ‬لو فكرت أغني‮ ‬ألاقي‮ ‬صوتي‮ ‬موش مسموع‮.. ‬ولو طلبت معايا أبكي‮.. ‬ألقاني‮ ‬بادور ع الدموع‮.‬
حتي‮ ‬القرايب والأصدقاء ابتدوا‮ ‬يتهربوا مني‮.. ‬لقيت نفسي‮ ‬في‮ ‬الشارع‮  ‬باستجدي‮ ‬اللي‮ ‬يسوي‮ ‬واللي‮ ‬ما‮ ‬يسواش‮.. ‬مابقاش لساني‮ ‬ينطق‮ ‬غير بطلب لقمة أكلها‮.. ‬
بقيت سجين الشوارع والحواري‮ ‬الضلمة‮..‬
(5 )
يـــــــاه‮ ‬
نفسي‮ ‬في‮ ‬زمن‮ ‬غير زماني..‮. ‬نفسي‮ ‬أنام في‮ ‬سرير وألبس بيجامة واشرب كباية لبن سخنة وأنام..‮. ‬نفسي‮ ‬في‮ ‬مكان والسلام‮.. ‬وحدتي‮ ‬بقت قصيدة بوح..‮. ‬نهاري‮ ‬شكوي‮ ‬وجروح‮ ‬
‮.... ‬وليلي‮ ‬طير بينوح‮ ‬
‮( ‬يقف وفي‮ ‬نبرة حادة‮ ‬‮) ‬لكن خلاص‮.. ‬النهاردة أنا قررت أودع الدنيا
‮ ( ‬لأديداس‮ ‬‮) ‬ماتقوليش بقي‮ ‬مشنقة ولا طبنجة ولا أقطع شريان لا لا لا‮ ‬
سيبك من الكلام الفاضي‮ ‬ده كله‮.. ‬أنا عندي‮ ‬فكرة جديدة ما تقولشي‮ ‬لعدوك عليها..
تركيبة انما إيه جنان خمس دقايق‮ ‬يادوب وتلاقي‮ ‬نفسك فوق‮..‬
بص‮.. ‬دول‮ ‬2 ‮ ‬سم من مشروب كنز من النوع المفتخر العلبة بـ‮ ‬4 ‮ ‬جنيه‮  ‬ده من زبالة الأستاذ ابراهيم اللي‮ ‬في‮ ‬الدور الأول أصله كل‮ ‬يوم‮ ‬يجيب‮ ‬4 ‮ ‬كنز من دول لعيلته ده‮ ‬غير المشمر والمحمر والحلويات وزبالتهم الصبح بتبقي‮ ‬عمرانة وآخر حــــلاوة‮.. ‬ده نمرة واحد‮.. ‬نمرة‮ ‬2 ‮ ‬بقي‮ ‬دي‮ ‬حتة شيكولاتة‮.. ‬آه والله شيكولاتة‮  ‬موش حشيش دي‮ ‬بقي‮ ‬من أم سميرة اللي‮ ‬في‮ ‬الدور الأول برضه بس البلكونة اللي‮ ‬علي‮ ‬الشمال جوزها بقي‮ ‬ياسيدي‮ ‬عنده السكر وهي‮ ‬مانعاه‮ ‬ياكل شيكولاتة من أصله..‮. ‬امبارح دخلت عليه البلكونة وهو لسه ح‮ ‬يحط الشيكولاتة في‮ ‬بقه..يوه‮ ‬يانهارك اسود‮ ‬ياراجل‮.. ‬قامت خاطفاها منه ورامياها‮.. ‬نزلت قدام العبد لله‮.. ‬ربك لما بيرزق بقي‮.‬
ودي‮ ‬بقي‮ ‬نمرة‮ ‬3 ‮ ‬والمادة الأساسية في‮ ‬التركيبة السحرية سم فيران مستورد جربته علي‮ ‬الفيران اللي‮ ‬في‮ ‬الخرابة اللي‮ ‬ورا واتأكدت من مفعوله‮.‬
احنا نجيب دول كده‮ ( ‬يكون التركييبة‮ ) ‬علي‮ ‬دي‮.. ‬علي‮ ‬دول‮.. ‬ولأ موش ح‮ ‬ينفع كده
أنا ح أموت كده من‮ ‬غير دعاية ولا صحافة ولا جماهير‮ ( ‬يقف لحظة مرتبكا‮ ) ‬
ح أموت زي‮ ‬الخنزير في‮ ‬كوم زبالة‮ / ‬وجبة جاهزة للقطط والكلاب‮ ‬
أنا عاوز مؤتمر صحفي
أيوه مؤتمر صحفي..‮. ‬اديني‮ ‬المنصة‮ ‬يا أديداس اديني‮ ‬ميكروفون..‮. ‬اديني‮ ‬إضاءة‮ ‬
‮( ‬يوجه صندوق القمامة إلي‮ ‬الصدر المسرح‮) ‬ماتخافش‮ ‬ياأديداس أنا ح أختارك من ضمن عامة الشعب‮. ‬أنا القمة اللي‮ ‬بتختار القاعدة..‮. ‬وانتي‮ ‬القاعدة..‮ ‬والنبي‮ ‬مانتي‮ ‬قايمة خليكي‮ ‬قاعدة‮ ‬يابيضة‮.....  ‬تصفيق حاد
أديداس آند جنتلمان‮ ( ‬يسمع صوت كيس قمامة‮ ‬يلقي‮ ‬من خلفه فينتبه للجملة‮ ‬‮)‬
(6 )
أيها السيدات والسادة‮  (‬تصفيق حاد‮) ‬
اخواني‮ ‬البني‮ ‬آدمين‮... ‬أيوة سقفولي‮.. ‬اتجمعوا واسمعولي
أنا شحتوت‮.. ‬شحتوت البني‮ ‬آدم‮.. ‬الإنسان‮  ‬صراصير ونمل ودبان‮.. ‬بس أنا إنسان‮  ‬جبان‮.. ‬غلبان‮ ‬
فرحان‮.. ‬لأ أنا زعلان‮ ‬
زعلان من نفسي‮.. ‬خجلان من‮ ‬يأسي‮.. ‬هربان م الدنيا اللي‮ ‬ماشية عكسي‮.. ‬سايباني‮ ‬
سايباني‮ ‬موش عارفة ان كنت عريان والا مكسي‮  ‬
القطط كتير‮  ‬والكلاب مساعير واللقمة البايتة اخضرت بقت مسامير‮ ‬
معدتي‮ ‬بقت سلاطة‮.. ‬مخدتي‮ ‬طوبة وبلاطة‮.. ‬ببساطة أنا واحد من بلدكم‮ ‬
بس أنا مابحبش البلد دي‮.. ‬أيوه ما بحبهاش‮.. ‬أنا باموت فيها‮.. ‬بس خلاص ما عدتش حاسس بقلبي‮ ‬ماعدتش شايفه..‮. ‬قلبي‮ ‬بقي‮ ‬أسود من كتر مابقي‮ ‬بيكره‮.. ‬بقي‮ ‬يكره حاجات كتير‮.. ‬بقي‮ ‬يكره البدل والكرافتات‮.. ‬بقي‮ ‬يكره عربية الزبالة‮.. ‬لأ‮.. ‬كل العربيات‮.. ‬بقي‮ ‬يكره الأكل والشرب والنوم حتي‮ ‬الأحلام‮..‬
اختفت الاحلام من منامي‮.. ‬ضاعت الملامح من شكلي‮.. ‬كل اللي‮ ‬ممكن‮ ‬يوجع وجعني
كل اللي‮ ‬ممكن‮ ‬يقتل ما قتلنيش لكن سابني‮ ‬مليان جراح‮..  ‬
أنا قررت أموت وأنا شبه البني‮ ‬آدم قبل ما‮ ‬ييجي‮ ‬يوم وأموت زي‮ ‬كلب فرمته عربية ع الكورنيش وفضلت العربيات تفرم فيه لحد ما طار مع الريح وخلص‮.. ‬وكتير كلاب خلصت‮.. ‬وياما بني‮ ‬آدمين راحت‮... ‬الفقر ح‮ ‬يفضل لبانة في‮ ‬بق شيطان الفساد
يفط بينورها‮ ‬يحللي‮ ‬بيهـا ســمه
‮(‬يمسك كباية السم‮) ‬
ودلوقتي‮ ‬جت لحظة الوداع‮.. ‬آن الأوان‮.. (‬يسحب الصندوق إلي‮ ‬مكانه‮) ‬
‮.. (‬يشرب‮)  (‬يرفع‮ ‬يده إلي‮ ‬السماء‮)‬
مراتي‮ ‬الحبيبة نادية‮.. ‬أنا جايلك‮.. ‬جوزك حبيبك جايلك‮..‬
افتحي‮ ‬إيديكي‮ ‬واستقبليه‮.. ‬
‮(‬يجلس علي‮ ‬ركبتيه ويبدأ تأثير السم..‮. ‬ينام علي‮ ‬جنبه ويتلوي‮) ‬
‮(‬موسيقي‮) ‬
‮(‬يصمت كل شئ لحظات‮) ‬

(7 )
‮(‬ينتفض مرة أخري‮ ‬ماسكا بطنه‮)‬
حتي‮ ‬السم طلع صيني‮..!!  ‬مع إنه كان مكتوب عليه‮ ‬ياباني‮ ‬
‮(‬ينهض في‮ ‬صحة جيدة‮) ‬
يصرخ‮  (‬أنا جعان‮  ‬نفسي‮ ‬آكل همبرجـــــــــــر‮ ‬‮) ‬
‮(‬يرفع بعض الأكياس والمهملات علي‮ ‬كتفه ويأخذ الكوتش ويخرج‮)‬
‮(‬موسيقي‮ ‬راقصــة‮) ‬
ستـــار

 

ماجد عبد الرازق

معلومات أضافية

  • النص المسرحي: مونودراما الخنزير
  • تأليف: ماجد عبد الرازق
  • معلومات عن المؤلف:
  • منشور في جريدة مسرحنا العدد رقم : ٢٢١

1 تعليق

  • أضف تعليقك Eslam Medhat الأربعاء, 16 كانون2/يناير 2013 01:02 أرسلت بواسطة Eslam Medhat

    نص حلو جداً
    لو سمحتوا هل في طريقه للتواصل مع الكاتب ؟؟

تعليقاتكم

تأكد من مليء جميع الحقول المشار اليها بعلامة (*)

You are here