اشترك الآن في "مسرحنا" ويمكنك الحصول علي " جريدة مسرحنا " كل أسبوع أينما كنت أرسل حوالة بريدية الي مؤسسة الأهرام_شارع الجلاء_القاهرة_اشتراكات الاهرام/ جريدة مسرحنا .. سعر النسخة لمدة عام: 52 جنيها داخل مصر 65 دولارا للدول العربية 95 دولارا للدول الأجنبية

مسرحية من فصل واحد للأطفال إيه الحل

قييم هذا الموضوع
(6 تقيم)

 

1
مقدمة‮ ‬

تدور أحداث المسرحية حول مجموعة من الطالبات ومعهن مدرسهن،‮ ‬يحاولن عمل مسرحية عن الطفولة،‮ ‬بناء علي‮ ‬تعليمات الوزارة ويستعرضن مشاكل الطفولة والمجتمع وكيفية عرض المشاكل وإيجاد الحلول وتتابع الأحداث‮ .‬
الشخصيات‮ ‬
مدرس
حنان‮  ‬طالبة‮ ‬
مني‮ ‬
أميرة
نوال
نهي
مها
المسرح عبارة عن فصل دراسي‮ ‬أو مكتبة تجلس مجموعة من الطالبات في‮ ‬انتظار المدرس‮ .‬
المدرس‮ :‬‮ ‬السلام عليكم‮ ‬
الطالبات‮ :‬‮ ‬وعليكم السلام ورحمة الله وبركاته‮ ‬
المدرس‮ :‬‮ ‬النهارده‮ ‬يا بنات حصة أنشطة والنشاط هو المسرح علشان الوزارة طالبة مننا مسرحية عن الطفولة‮ .‬
حنان‮ :‬‮ ‬يعني‮ ‬نجيب أطفال تمثل‮ ‬يا أستاذ‮ ‬
المدرس‮ :‬‮ ‬لأ‮ ‬يعني‮ ‬مشاكل الطفوله وأي‮ ‬حاجه تخصهم‮ ‬
مني‮ :‬‮ ‬هو إحنا أطفال‮ ‬يا أستاذ‮ ‬
المدرس‮ :‬‮ ‬لا إنتو كبار بس الأطفال من أهم الشرايح في‮ ‬المجتمع‮ ‬
أميرة‮ :‬‮ ‬إزاي‮ ‬يا أستاذ أمال الشباب و الكبار‮ ‬يبقوا إيه‮ ‬
نوال‮ :‬‮ ‬يا ريتنا عشنا أطفال علي‮ ‬طول‮ ‬
المدرس‮ :‬‮ ‬بس‮ ‬يا فالحه منك ليها لما أقول إن الأطفال من أهم الشرايح في‮ ‬المجتمع مش معني‮ ‬كده إني‮ ‬بلغي‮ ‬دور الشباب والكبار لا كل واحد ليه دور في‮ ‬المجتمع‮ .‬
نهي‮ :‬‮ ‬طيب وإحنا دورنا إيه‮ ‬يا أستاذ‮ ‬
أميرة‮ :‬‮ ‬كمبارس ورا الستاره‮ ‬
المدرس‮ :‬‮ ‬ولولا الكومبارس‮ ‬يا فالحه ما كنشي‮ ‬البطل دوره اكتمل علي‮ ‬المسرح‮ ‬
‮ ‬حنان‮ :‬‮ ‬وإحنا دورنا إيه‮ ‬
المدرس‮ :‬‮ ‬إنتو دوركم إنكم تتعلموا و تفيدوا بلدكم بالعلم مظبوط ولا لأ‮ ‬
الطالبات‮ :‬‮ ‬مظبوط‮ ‬يا أستاذ‮ ‬
مها‮ :‬‮ ‬بس ح نعمل مسرحية عن إيه بالظبط‮ ( ‬أغنية مناسبة‮ ‬‮)‬
حنان‮ :‬‮ ‬عن مشاكل الطفوله‮ ‬
أميرة‮:‬‮ ‬مشاكل الطفوله هي‮ ‬مشاكل الكبار‮ ‬
نوال‮ :‬‮ ‬ازاي‮ ‬يا فالحه‮ ‬
أميرة‮ :‬‮ ‬مشكلة بابا انه معهوش فلوس تبقي‮ ‬مشكلتي‮ ‬إنه مش ح‮ ‬يجيبلي‮ ‬الهدوم اللي‮ ‬أنا عوزاها‮ ‬
مها‮ :‬‮ ‬و مش ح‮ ‬يجيب الأكل اللي‮ ‬أنا عوزاه‮ ‬
المدرس‮ :‬‮ ‬يعني‮ ‬مشاكل الكبار بتصب علي‮ ‬الشباب و الأطفال‮ ‬يعني‮ ‬مشاكل المجتمع كله لأنها دايره واحده إنتو عارفين أنا بقول ليه الأطفال من أهم شرايح المجتمع‮ . ‬
الطالبات‮ :‬‮ ‬ليه‮ ‬يا أستاذ‮ ‬
المدرس‮ :‬‮ ‬لأن الأطفال لو اتعلموا صح ح‮ ‬يكبروا وهم بيعملوا الصح عشان هم شباب المستقبل ولو ما تعلموش صح ح تبقي‮ ‬كارثه علي‮ ‬البلد كلها‮ .‬
مها‮ :‬‮ ‬ياه هم الأطفال مهمين للدرجة دي‮ ‬
حنان‮ :‬‮ ‬دا احنا بنعاملهم باستهتار علي‮ ‬أد عقلهم‮ ‬
المدرس‮ :‬‮ ‬هي‮ ‬دي‮ ‬المشكله إننا بنعامل الأطفال علي‮ ‬أساس إنهم ما بيعرفوش حاجه ونكدب عليهم ونحيلهم بالرغم من الطفل قدرة استيعابه أكبر من أي‮ ‬فرد تاني‮ ‬
نهي‮ :‬‮ ‬يا أستاذ المهم المسرحية عن إيه بالظبط‮ ‬
مني‮ :‬‮ ‬عن أطفال الشوارع عن عمل الأطفال‮ ‬،عن تسول الأطفال‮ ‬
أميره‮ ( ‬وهي‮ ‬تشير إلي‮ ‬مها‮ )‬‮ : ‬عن أطفال الأنابيب‮ ‬يضحك الجميع‮ ‬
مها‮ :‬‮ ‬مش حضرتك‮ ‬يا أستاذ بتقول إن المشكله هي‮ ‬مشكله المجتمع كله‮ ‬
الأستاذ‮ :‬‮ ‬أيوه طبعاً
مها‮ :‬‮ ‬يبقي‮ ‬خلاص نعمل مسرحيه عن المجتمع كله‮ ‬
حنان‮ :‬‮ ‬و إيه هي‮ ‬مشاكل المجتمع‮ ‬
نوال‮ :‬‮ ‬ييه كتير قوي‮ ‬خدي‮ ‬عندك الفقر‮ ‬، البطاله‮ ‬،‮ ‬الغلاء‮ ‬
أميرة‮ :‬‮ ‬الزواج العرفي‮ ‬،‮ ‬العوانس‮ ‬
نوال‮ :‬‮ ‬دا المجتمع كله مشاكل‮ ‬
مني‮ :‬‮ ‬و مين حيتفرج علي‮ ‬مسرحيه كلها نكد بالشكل ده‮: ‬فقر‮ ‬، بطاله‮ ‬،‮ ‬وغلاء‮ ‬،‮ ‬و كمان عوانس‮ ‬
مها‮ :‬‮ ‬الوزارة أيوه الوزارة مش هي‮ ‬قالت عايزه إيه مسرحية عن الطفولة تبقي‮ ‬تشوف مشاكل الطفولة‮ ‬
أميرة‮ :‬‮ ‬تبقي‮ ‬الوزارة حا تدينا صفر من عشرة‮ ‬
نوال‮ :‬‮ ‬الله هو اللي‮ ‬يقول الحقيقه‮ ‬ياخد صفر من عشرة‮ .‬
الأستاذ‮ :‬‮ ‬لا اللي‮ ‬يقول الحقيقة‮ ‬ياخد عشرة من عشرة بس كل مشكله وليها حل‮ ‬يعني‮ ‬نعرض مشكله ونعرض حلها وزي‮ ‬ما في‮ ‬مشاكل في‮ ‬المجتمع برضه في‮ ‬حاجات كتير تانيه حلوه‮ ‬
حنان‮ :‬‮ ‬دا احنا عاوزين‮ ‬100 مسرحية عشان نعرض المشاكل و100 مسرحيه تانيه عشان ندور علي‮ ‬حلها‮ ‬
نهي‮ :‬‮ ‬إيه رأيكم لو احنا نختار موضوع واحد نتكلم فيه‮ ‬
مني‮ :‬‮ ‬والله فكرة كويسه عشان نعرف نحدد المشكله ونعرض حلها‮ ‬
مها‮ :‬‮ ‬طب نختار إيه‮ ( ‬أغنية مناسبة‮)‬
أميرة‮ :‬‮ ‬إيه رأيكم نختار الفقر
نوال‮ :‬‮ ‬لأ‮.. ‬دي‮ ‬مشكله طويله وعريضه وكمان مالهاش حل‮ ‬
الأستاذ‮ :‬‮ ‬مين اللي‮ ‬قال إن ملهاش حل‮.. ‬عكس الفقر إيه‮ ‬
الجميع‮ ( ‬في‮ ‬نفس واحد‮ )‬‮ : ‬الغني‮ ‬
الأستاذ‮ :‬‮ ‬لا القناعه لو عندك قناعه مش حا تبقي‮ ‬فقير حتبقي‮ ‬أغني‮ ‬الناس‮ ‬
حنان‮ :‬‮ ‬طب إيه رأيكم نعمل مسرحيه عن الزواج العرفي‮ ‬
أميرة‮ :‬‮ ‬ماهو سبب الزواج العرفي‮ ‬الفقر لو كان عندهم فلوس كانوا اشتروا شقه وعملوا فرح واتجوزو‮ ‬
مها‮ :‬‮ ‬لأ‮.. ‬مشاكل كبيره علينا واكبر من سننا و احنا ما نعرفش حل ليها‮ ‬
أميرة‮ :‬‮ ‬طب إيه رأيكم نعمل مسرحيه عن العوانس‮ ‬
مها‮ :‬‮ ‬إنتي‮ ‬حاتفولي‮ ‬علينا من دلوقت‮ ‬يا شيخه حرام عليكي‮ ‬
نوال‮ :‬‮ ‬ما هو لوكان فيه فلوس كان فيه سكن كان‮ ‬يبقي‮ ‬فيه جواز وميبقاش فيه عوانس‮ ‬
نهي‮ :‬‮ ‬يعني‮ ‬دايره واحده زي‮ ‬الطفولة والشباب والكبار‮ ‬يعني‮ ‬مجتمع واحد ومشكلة واحدة‮ ‬
الأستاذ‮ :‬‮ ‬ايوه برافو عليكم‮ ‬يعني‮ ‬دايره واحده‮ ‬
الجميع‮ :‬‮ ‬طب إيه الحل ؟
الأستاذ‮ :‬‮ ‬ايوه إيه الحل ؟
الجميع‮ :‬‮ ‬احنا اللي‮ ‬بنسأل إيه الحل‮ ‬
المدرس‮ :‬‮ ‬الحل هو‮ ( ‬يدق جرس انتهاء الحصة‮ ‬‮)‬
الحل الحصه الجإيه‮ ‬
حنان‮ :‬‮ ‬يا أستاذ حرام عليك لسه حنستني‮ ‬الحصه الجإيه‮ ‬
مني‮ :‬‮ ‬الناس مش حايقدروا‮ ‬يقعدوا للحصه الجإيه عايزين‮ ‬يروحوا‮ ‬
نوال‮ :‬‮ ‬قول إن ما عندكش حلول من الأول‮ ‬
نهي‮ :‬‮ ‬الله وهو ذنبه إيه‮ ‬يعني‮ ‬هو اللي‮ ‬كان عامل كل المشاكل دي‮ ‬
مها‮ :‬‮ ‬مش هو اللي‮ ‬قال نعمل مسرحيه عن المجتمع ومشاكله‮.. ‬الوزاره كانت عايزه حاجه صغنونه عن الطفولة مش كلاكيع‮ ‬
أميرة‮ :‬‮ ‬فقر وبطاله وغلاء وزواج عرفي‮ ‬وكمان عوانس‮ ‬
حنان‮ :‬‮ ‬دي‮ ‬دكاترة العالم كله في‮ ‬الاقتصاد وعلم النفس مش حاتعرف تحلها‮ ‬
مني‮ :‬والأستاذ عاوز‮ ‬يحلها في‮ ‬مسرحيه‮ ‬
أميرة‮ :‬‮ ‬مبروك عليكم الصفر‮ ‬يا بنات‮ ‬
نوال‮ :‬‮ ‬صفر لو ادونا صفر‮ ‬يبقي‮ ‬كرمونا‮ ‬
نهي‮ :‬‮ ‬هو فيه أقل من الصفر إيه‮ ‬
مها‮ :‬‮ ‬ايوه فيه‮ ‬يدونا صفر ويرفدوا الأستاذ‮ ‬
الجميع‮ :‬‮ ‬يضحك‮ ‬
‮( ‬أثناء هذا الحوار بين الطالبات وهن علي‮ ‬مقدمة المسرح‮ ‬يسقط الأستاذ علي‮ ‬الأرض‮ )‬
حنان‮ :‬‮ ‬يا لهوي‮ ‬الأستاذ مات‮ ‬
مني‮ :‬‮ ‬الظاهر إنه صدق إنهم حيرفدوه قام مات‮ ‬
نوال‮ :‬‮ ‬يعني‮ ‬كمان تموت وما تقولناش علي‮ ‬الحل‮ ‬
نهي‮ :‬‮ ‬الظاهر إنه مات من كتر التفكير في‮ ‬كل المشاكل دي
مها‮ :‬‮ ‬طيب و الحل احنا حنعمل إيه دلوقت‮ ‬
حنان‮ : ( ‬وهي‮ ‬تقترب من الأستاذ‮ )‬‮ ‬أستاذ‮ ‬يا أستاذ قولنا علي‮ ‬الحل وبعدين موت
مني‮ :‬‮ ‬يا بنتي‮ ‬هو أساساً‮ ‬مات عشان ملقاش حل‮ ‬
أميرة‮ :‬‮ ‬الظاهر إنه مات من الغيظ
نوال‮ :‬‮ ‬هو حد قاله‮ ‬يعمل مسرحيه عن كل المشاكل دي
نهي‮ :‬‮ ‬مسكين كان أستاذ طيب ونفسه‮ ‬يحل مشاكل المجتمع
مها‮: ‬مسكين من كتر حبه في‮ ‬المجتمع‮  ‬وحل مشاكله مستحملشي‮ ‬قام طق مات
حنان‮ :‬‮ ‬والله كنا بنحبك‮ ‬يا أستاذ
‮(‬فجأة‮ ‬يهب الأستاذ واقفاً‮)‬
الجميع‮ :‬‮ ‬يالهوي‮ ‬بسم الله الرحمن الرحيم‮ ‬
الأستاذ‮ : ‬ايوه ايوه من فيكم اللي‮ ‬قالت بحبك‮ ‬
حنان‮ :‬‮ ( ‬وهي‮ ‬تختفي‮ ‬بين زميلاتها‮ ‬‮) ‬يا أستاذ كلنا بنحترمك وبنعزك ونحبك كأب‮ ‬
الأستاذ‮ :‬‮ ‬مين فيكم اللي‮ ‬قالت كده‮ ‬
مني‮ :‬‮ ‬إيه حتتجوزها‮ ‬يا أستاذ‮ ‬
نوال‮ :‬‮ ‬لو حتتجوزها‮ ‬يبقي‮ ‬أنا‮ ‬
نهي‮ :‬‮ ‬يعني‮ ‬هي‮ ‬قالت حاجه‮ ‬غلط‮ ‬يا أستاذ‮ ‬
مها‮ :‬‮ ‬وبعدين أنت كنت مت إيه اللي‮ ‬حياك تاني‮ ‬
الأستاذ‮ :‬‮ ‬هي‮ ‬ايوه هي‮ ‬
الجميع‮ :‬‮ ‬هي‮ ‬مين‮ ‬
الأستاذ‮ :‬‮ ‬هي‮ ‬اللي‮ ‬حييتني‮ ‬
الجميع‮ :‬‮ ‬حنان هي‮ ‬اللي‮ ‬حييتك تاني‮ ‬إزاي‮ ‬؟‮!‬
الأستاذ‮ :‬‮ ‬هي‮ ‬اللي‮ ‬ردت لي‮ ‬روحي‮ ‬
الجميع‮ :‬‮ ‬هي‮ ‬كانت روحك طلعت‮ ‬
الأستاذ‮ :‬‮ ‬انتو برضه لسه مش فاهمين‮ ‬
حنان‮ :‬‮ ‬والله‮ ‬يا أستاذ أنا مش فاهمه حاجه خالص‮ ‬
الأستاذ‮ :‬‮ ‬بنحبك‮ ‬يا أستاذ هو ده الحل‮ ‬
الجميع‮ :‬‮ ‬حل إيه‮ ‬
الأستاذ‮ :‬‮ ‬حل كل مشاكلنا‮ ‬
الجميع‮ :‬‮ ‬إيه هو‮ ‬ياأستاذ‮ ‬
الأستاذ‮ :‬‮ ‬الحب‮ ‬
الجميع‮ :‬‮ ( ‬باستغراب‮ ‬‮) ‬الحب ؟‮!‬
الأستاذ‮ :‬‮ ‬ايوه الحب‮ ‬،‮ ‬الحب هو العلاج لكل مشاكلنا‮  ‬،‮ ‬الحب هو روح المجتمع لو كلنا نحب بعض نحب عملنا‮ ‬،‮ ‬نحب وطنا نحب مدارسنا‮ ‬،‮ ‬نحب جيرانا‮ ‬،‮ ‬نحترم الكبار‮ ‬،‮ ‬ونحب الصغيرين‮ ‬،‮ ‬نحب ربنا‮ ‬،‮ ‬ربنا‮ ‬يحبنا‮  ‬ويحل كل مشاكلنا ويزرع في‮ ‬قلوبنا الحب وميبقاش فيه كره ولا حقد ولا استغلال ولا فقر ولا بطالة ولا جواز عرفي‮ .‬
الجميع‮ :‬‮ ‬ممكن‮ ‬يا أستاذ‮ ‬
الأستاذ‮ :‬‮ ‬ايوه ممكن لو كل الناس بتحب بعض حتخاف علي‮ ‬بعض وحتحمي‮ ‬بعض من الفقر والغلاء‮ ‬يبقي‮ ‬لازم كلنا نحب بعض ونقول‮ ‬يارب حببنا في‮ ‬بعض‮ ‬
الجميع‮ :‬‮ ‬يارب‮ ‬
‮( ‬ويغني‮ ‬الجميع علي‮ ‬خشبة المسرح‮ ) ‬
يارب‮  ‬ازرع في‮ ‬قلوبنا الحب‮ ‬يارب‮ ‬
نحب البيت والمدرسه‮ ‬يارب
اجعل حياتنا كويسه‮ ‬يارب
نحب اخونا نحب ابونا وكل اللي‮ ‬يحبونا‮  ‬يارب‮ ‬
نحب وطنا نحب جيرانا‮ ‬يارب
نحب عملنا نحب أستاذنا اللي‮ ‬علمنا‮ ‬يارب
يارب ازرع في‮ ‬قلوبنا الحب‮ ‬
يارب نحب بلدنا نكيد حسادنا‮ ‬
يارب‮ ‬يكبر في‮ ‬قلوبنا الحب‮  ‬يارب‮ ‬
تمت

 

شاذلي‮ ‬عبد العزيز بشير

معلومات أضافية

  • النص المسرحي: مسرحية من فصل واحد للأطفال إيه الحل
  • تأليف: شاذلي‮ ‬عبد العزيز بشير
  • معلومات عن المؤلف:
  • منشور في جريدة مسرحنا العدد رقم : ٣٤٠

تعليقاتكم

تأكد من مليء جميع الحقول المشار اليها بعلامة (*)

You are here