اشترك الآن في "مسرحنا" ويمكنك الحصول علي " جريدة مسرحنا " كل أسبوع أينما كنت أرسل حوالة بريدية الي مؤسسة الأهرام_شارع الجلاء_القاهرة_اشتراكات الاهرام/ جريدة مسرحنا .. سعر النسخة لمدة عام: 52 جنيها داخل مصر 65 دولارا للدول العربية 95 دولارا للدول الأجنبية

مصر‮ ... ‬ايجار جديد

قييم هذا الموضوع
(1 vote)

يجلس رجل في‮ ‬حوالي‮ ‬الأربعين من عمره في‮ ‬صندوق زجاجي‮ ‬أمام التلفاز علي‮ ‬كرسي‮ ‬هزاز ؛‮ ‬يتواجد الصندوق في‮ ‬منتصف خشبة المسرح‮ ‬– يبدو الرجل مهموماً‮ ‬حزيناً‮ .. ‬خائفاً‮ .. ‬قلقاً
يقف‮ .. ‬يعاود الجلوس ثانية‮ .."  ‬قد‮ ‬يكتفي‮ ‬بإشارات للصندوق الخشبي‮ "‬
يدخل المطرب ويجلس علي‮ ‬كرسي‮ ‬يسار الصندوق الزجاجي‮ .. ‬يجلس المطرب علي‮ ‬الكرسي‮ .. ‬يرفع العود الموجود بجوار الكرسي‮ .. ‬يبدأ‮ ‬يدندن في‮ ‬استمتاع‮ ‬غريب
الرجل‮ ‬يقف ويتحرك في‮ ‬الصندوق خارجاً‮ ‬حتي‮ ‬يقترب من المطرب
يتجه ناحية الصندوق الزجاجي‮ ‬ثانية
يعود الرجل مرة أخري‮ ‬للصندوق الزجاجي‮ ‬يجلس أمام التلفاز‮ ‬يشاهده‮ .. ‬ويبدو عليه القلق والتوتر‮.. ‬يجلس المطرب علي‮ ‬الكرسي‮ ‬الذي‮ ‬بجوار الصندوق‮ .. ‬يواصل الغناء بمزاج أكبر
يجلس المطرب مع حبيبته علي‮ ‬الكورنيش ماسكاً‮ ‬عوده‮ .. ‬يقف المطرب‮ / ‬تقف الحبيبة‮ .. ‬يمر عليه زوجان آخران‮ / ‬يعاودانا الجلوس مرة أخري‮ ‬علي‮ ‬الكورنيش‮ ‬
إضاءة علي‮ ‬الصندوق الزجاجي‮ ‬حيث‮ ‬يجلس بداخله الرجل‮ / ‬يأتي‮ ‬المطرب من الجهة اليمني‮ ‬حاملاً‮ ‬عوده‮ .. ‬يجلس علي‮ ‬الكرسي‮ ‬الموجود أمام الصندوق‮ .. ‬يهتز
يترك الرجل صديقه المطرب وهو جالس علي‮ ‬الكرسي‮ ‬أمام الحجرة‮  ‬الزجاجية‮.. ‬يرفع العود ويبدأ في‮ ‬الغناء في‮ ‬سعادة‮ .. ‬بينما‮ ‬يجلس الرجل علي‮ ‬كرسيه في‮ ‬الصندوق‮  ‬الزجاجي‮ ‬ويمدد قدميه في‮ ‬كسل‮ ..‬
يقف المطرب مع حبيبته أمام موظف في‮ ‬القوي‮ ‬العاملة‮ .. ‬يقدم له أوراقاً‮ ‬ينظر فيها الموظف شذرا‮ ‬ًويرمي‮ ‬الورق ثانية بقرف‮ ‬
تأخذ الحبيبة المطرب‮ "‬علي‮ ‬جنب‮" ‬ويتحدثان‮ ‬
يجلس المطرب خارج الصندوق الزجاجي‮ . ‬يدندن بأغنية وطنية‮ . ‬يخرج الرجل من الصندوق الزجاجي‮ . ‬يقف بجوار المطرب

 

شخصيات المسرحية
المطرب شاب‮ ‬35 عاماً
الحبيبة فتاة‮ ‬30 عاماً
الرجل أعزب‮ ‬40 عاماً
أصوات‮/ ‬الشعب‮ /‬
صوت ‮(‬السلطة‮ / ‬الشرطة‮ )‬

مشهد‮ ‬(1)
أصوات‮: ‬الشعب‮ ‬يريد إسقاط النظام
الشعب‮ ‬يريد إسقاط النظام
صوت المطرب‮ : (‬يغني‮ ‬بمزاج‮ )‬
الشعب‮ ‬يريد إسقاط النظام
صوت‮: (‬بتحذير‮ )‬
لو سقط النظام الدنيا هتبقي‮ ‬فوضي‮ ‬
ممكن نعدل النظام شوية شوية
مش كده‮ ‬يا جماعة ولا إيه رأيكم
فتاة‮:‬ ‮(‬تقف في‮ ‬الصالة‮ )‬
زهقنا بقي‮ ‬من الوحدة واحدة
عاوزين نغير النظام مرة واحدة
واللي‮ ‬يحصل‮ ‬يحصل‮ ‬يا أخ‮ ( ‬تجلس‮ ‬‮)‬
المطرب‮: ‬الشعب‮ ‬يريد إسقاط النظام
صوت‮: ‬يا عم اصبر شوية أنت مستعجل ليه ؟‮!!‬
هو ما فيش‮ ‬غير الشعب عاوز؟
‮- ‬هو كلكم علقتم علي‮ ‬الحكاية دي؟
ما الشرطة عاوزه والمطافي‮ ‬عاوزه والصحة عاوزه‮ ‬
والمدرسين كلنا عاوزين‮ ‬يا حضرة‮ ( ‬بسخرية‮ ‬‮) ‬بس
المشلكة هناخد كلنا في‮ ‬إيه؟‮ ‬
الرجل‮: ‬فعلاً‮ ‬كلنا عاوزين‮ ‬يا حضرات
والشعب لازم‮ ........ ‬النظام‮ ( ‬يمتعض‮ ‬‮)‬
عاوزين كلمة قبل النظام‮ ( ‬يفكر وهو‮ ‬يتحرك‮ ‬‮)‬
يا تري‮ ‬إيه الكلمة اللي‮ ‬تصلح قبل النظام ؟‮!‬
المطرب‮: (‬بإصرار‮ )‬‮ ‬إسقاط‮ .. ‬كلمة سهلة وبسيطة
‮(‬يهز رأسه‮ )‬‮ ‬الشعب‮ ‬يريد إسقاط النظام‮ ‬
‮(‬يغني‮ ) ‬الشعب‮ ‬يريد إسقاط النظام
الرجل‮: (‬بخوف‮ ) ‬
يا عم اصبر‮  ‬؛ حرام عليك‮ ‬
عندنا عيال صغيرة عاوزه تتربي
المطرب‮: ‬البوعزيزي‮ ‬مات في‮ ‬تونس محروق‮ ‬
عشان‮ ‬ينور لنا الطريق‮ ( ‬يقف‮ ‬‮)‬
عشان الفجر‮ ‬يطلع في‮ ‬البلاد العربية
الرجل‮: (‬بقلق‮ )‬
يا عم خمسة لغاية دلوقت حرقوا نفسهم
ولا أي‮ ‬حد عبرنا وقال أي‮ ‬حاجة
المطرب‮: (‬بحسم‮ )‬
لأ‮ .. ‬خليك صادق شوية‮ ‬يا راجل
المدير بتاع الفرقة طلب جاز وسخ‮..‬
‮- ‬عشان‮ ‬يلبد أطول وقت في‮ ‬الجسم
الرجل‮: ‬لآ‮ .. ‬أنا المدير في‮ ‬الشغل راجل شيك
طلب ليه جاز‮ ‬95 .. سريع الاشتعال‮ ‬
بلا فلسفة ؛ الراجل عاوز‮ ‬يخلص
المطرب‮: (‬ يغني‮ ) ‬
الشعب‮ ‬يريد إسقاط النظام
الرجل‮: ‬يا عم أعقل أرجوك‮ .. ‬بلاش تهور
الأمر محتاج لتدرج‮ .. ‬حبه‮ .. ‬حبه‮ !!‬
مش مرة واحدة‮ ‬يا فنان‮ ..‬
وبعدين فيه حاجة اسمها جريمة إسقاط النظام
المطرب‮: ‬تقصد قلب نظام الحكم
الرجل‮: (‬ بخوف‮ ) ‬وطي‮ ‬صوتك ؛ الله‮ ‬يخرب بيتك
المطرب‮: ‬أوطي‮ ‬صوتي‮ ‬ليه طولها قد عرضها
الرجل‮: ‬خفف اللفظ شوية أرجوك
يجعل كلامنا خفيف عليهم‮ ‬يارب
المطرب‮: ‬يعني‮ ‬عاوز إيه‮ ‬يا أستاذ دلوقت
الرجل‮: ‬عاوزين نمشي‮ ‬واحدة واحدة
في‮ ‬التأني‮ ‬السلامة‮ ‬يا فنان ؛ سيبك من الجنون
أنا عارف أن الفنان ثورجي‮ ‬بطبعه‮ ‬
بس أنا‮ ‬غلبان‮ ‬يا فنان
دور بس علي‮ ‬كلمة تانية بدل إسقاط
أو بعد الشر كلمة‮ " ‬قلب‮ "‬
صوت‮: ‬)بتعقل‮ )‬
أيوه كدا الكلمة الطيبة صدقة
أصوات‮: ‬الشعب‮ ‬يريد إسقاط النظام
الرجل‮: (‬بخوف‮ ) ‬
بالراحة‮ .. ‬بالراحة‮ ‬ياأسيادنا‮ ( ‬يتحرك بعيداً‮ ‬عنه‮ ‬‮)‬    
المطرب‮: ‬تعال ؛ رايح فين‮ ‬يا رجل
الرجل‮: (‬ يعود ثانية‮ )‬
ما أنت بتقول كلام‮ ‬يودي‮ ‬في‮ ‬داهية
‮(‬بهدوء‮ ‬‮) ‬طيب إيه رأيك في‮ ‬كلمة تانية
المطرب‮: ‬زي‮ ‬إيه مثلاً‮ ‬؟‮!‬
الرجل‮: ‬زي‮ ‬كلمة هداية مثلاً
جربها كدا علي‮ ‬لسانك‮ ‬يا فنان
طب خليها تجري‮ ‬بين أوتار عودك
‮(‬يحاول أن‮ ‬يغني‮ ‬بصوته السئ‮ )‬
الشعب‮ ‬يريد هداية النظام‮ ‬
حلوة وجميلة‮ .. ‬بس‮ ‬غني‮ ‬يا فنان
المطرب‮: (‬ يحاول أن‮ ‬يغني‮ )‬
الشعب‮ ‬يريد هداية النظام
فيه حاجة واقفة في‮ ‬زوري‮ ( ‬يضع العود بجواره‮ ‬‮)‬
فيه حاجة مكسورة‮ ‬يا أستاذ
مش عاوزه تتغني‮ ‬خالص
بتقع من الجملة اللحنية
الرجل‮: ‬والنبي‮ ‬تجرب تاني‮ ‬يا شيخ
أنا هغنيهالك بالراحة‮ .. ( ‬يغني‮ ‬‮)‬
الشعب‮ ‬يريد هداية النظام
حلوة مش كدا‮ .. ‬أكيد حلوة    
المطرب‮: (‬ يحاول‮ )‬
الشعب‮ ‬يريد هداية النظام
مش عاوزه الكلمة تتغني‮ ‬يا أستاذ
الرجل‮: ‬هداية كلمة حلوة صدقني
وأهي‮ ‬فرصة علشان‮ ‬يتوبوا‮ ‬
ويرجعوا عن الرشوة والمحسوبية واستغلال النفوذ
والقهر والذل والضرب علي‮ ‬القفا‮ ‬‮( ‬يسمع ضرب علي‮ ‬القفا‮ )‬
المطرب‮: (‬يمسك قفاه ويتلفت خلفه‮ )‬
آه‮ .. ‬مين ضرب‮ ‬يا حضرة
الرجل‮: ‬والله ما ضربتك والناس كلها شاهدة‮ ( ‬يشير للجمهور‮ ‬‮)‬
أهم قاعدين مفتحين عنيهم
ويشهدوا عليك وعليا‮ ‬يا فنان
المطرب‮: ‬آمال الضرب دا جالي‮ ‬منين بقي‮ ‬
‮(‬يسمع صوت ضرب مرة ثانية‮ )‬
الرجل‮: (‬يتحسس قفاه‮ )‬‮ ‬مش عارف
أنا نفسي‮ ‬حاسس أني‮ ‬مضروب أنا كمان
بس مش عاوز أقول
مش معقولة هنضحك الناس علينا كلنا
مش معقولة الشعب كله هينضرب علي‮ ‬سهوة
صوت‮: ‬ بتحذير‮ )‬
هتمشي‮ ‬في‮ ‬طريقك عدل
هيحتار عدوك فيك
هتمشي‮ ‬في‮ ‬طريقك عوج‮ ‬
هيتحشر بانجو فيك
المطرب‮: ‬تقصد هيتحشر فين‮ ‬يا باشا
الصوت‮: ‬في‮ ‬بقك علشان تتسلطن
وتغني‮ ‬للناس بحماس
شكلك كدا عاوز تنداس
المطرب‮: ‬أنا خفت أحس‮ ‬يكون‮ ..‬
الصوت‮: ‬كل شئ وارد‮ ‬يا فنان
مفيش حاجة بعيدة أبداً
صوت‮ : ‬وأنتو ناس بتوع فن
والفنون زي‮ ‬ما أنت عارف جنون
‮- ‬هتغني‮ ‬اللي‮ ‬قالك عليه
المطرب‮: (‬ بضيق‮ )‬‮ ‬هحاول‮ ‬يا باشا‮ .. ‬هحاول
ويارب تنفع وتكون موزونه‮ ( ‬يغني‮ ‬‮)‬
الشعب‮ ‬يريد هداية النظام
‮(‬بصوت منخفض‮ ‬‮) ‬الشعب‮ ‬يريد هداية النظام
‮(‬خوف تحسس قفاه‮ )‬
ماليش دعوة والله ما قلت حاجة
هم اللي‮ ‬قالو‮ .. ‬هم اللي‮ ‬قالو
الشعب‮ ‬يريد إسقاط النظام
الصوت‮: (‬ بغيظ‮ )‬
ماشي‮ ‬يا فنان‮ .. ‬ماشي‮ !!‬
المطرب‮: (‬ يغني‮ )‬
الشعب‮ ‬يريد إسقاط النظام
‮(‬بتنوع‮ ‬غنائي‮ )‬
الشعب‮ ‬يريد إسقاط النظام
إظلام

هامش‮ ‬(1)
المطرب‮: (‬ بود‮ )‬
أغني‮ ‬لك أغنية الشيخ إمام
حبيبة‮: (‬ بدلع‮ )‬
لأ‮ .. ‬غني‮ ‬أغنية شادية
المطرب‮: ‬يا مصر قومي‮ ‬وشدي‮ ‬الحيل
حبيبة‮: ‬يا دبلة الخطوبة عقبالنا كلنا
ونبني‮ ‬طوبة طوبة في‮ ‬عش حبنا
المطرب‮: ‬يا مصر قومي‮ ‬وشدي‮ ‬الحيل
الحبيبة‮: ‬مفيش حد هيقوم‮ ‬يا ناصح
كله نايم ننه هووووه    
وشدين عليه اللحاف كمان    
المطرب‮: ‬يا مصر قومي‮ ‬وشدي‮ ‬الحيل
الحبيبة‮: ‬ياعم‮ .. ‬زهقنا بقي‮ ‬لنا عشرين سنة كدا
عاوزه أي‮ ‬حاجة تعملها‮ ‬غير الغنا
كَلّت وزهقت وأخويا كمان
وأبويا مات وماعندوش أمل
المطرب‮: ‬هيجي‮ ‬منين الأمل‮ ‬يعني
مقدرش أشتغل حاجة‮ ‬غير الغنا
الحبيبة‮: ‬طيب‮ .. ‬غني‮ ‬بجد‮ .. ‬في‮ ‬شارع الهرم والأفراح
المطرب‮: ‬مقدرش أنا في‮ ‬فرقة محترمة
أنا سوليست بفرقة شبرا الخيمة
الحبيبة‮: ‬يا دي‮ ‬الخيبة‮ .. ‬وبتاخد سته جنيه في‮ ‬البروفة وعشرة جنيه في‮ ‬العرض‮ .. ‬ومجموع اللي‮ ‬بتاخده في‮ ‬الشهر    حوالي‮ ‬150 جنيه‮ .. ( ‬بسخرية‮ ‬‮) ‬يا فرحتي
المطرب‮: (‬برجاء‮ ) ‬
أنا عندي‮ ‬أمل‮ ‬يزيدوا كمان
الحبيبة‮: ‬ياعم قوم شوفلك توك توك أركبه
قوم شد حيلك عاوزين نتجوز بقي‮ ‬
المطرب‮: (‬ يقف ويغني‮ ‬بدون حماس‮ )‬
يا مصر قومي‮ ‬وشدي‮ ‬الحيل
الحبيبة‮: ‬ما فيش حاجة هنا هتلاقيها‮ ‬
المطرب‮: (‬يغني‮ )‬‮ ‬فيها حاجة حلوة
الحبيبة‮: ‬ فيها الفول والطعمية والكشري‮ ‬كمان
المطرب‮: ‬يا مصر قومي‮ ‬وشدي‮ ‬الحيل زي‮ ‬زمان
‮( ‬إظلام‮ )‬
المشهد‮ ‬(2 )
أصوات‮: ‬)بحماس‮ ) ‬
الشعب‮ ‬يريد إسقاط النظام
الرجل‮: (‬ يستدير ناحية الأصوات‮ )‬
‮(‬يقف‮ ‬‮) ‬هم رجعوا تاني‮ ‬ليه‮ ‬
مش ناقصين وجع دماغ
ما قلنا ندور علي‮ ‬كلمة تانية
نشوف كلمة‮ ‬غير هداية
مهياش جاية مع الوزن‮ ‬
والراجل مش عارف‮ ‬يغني‮ ‬الأغنية
المطرب‮: (‬بمتعة‮ )‬‮ ‬الشعب‮ ‬يريد إسقاط النظام
‮(‬يغنيها بطرق مختلفة‮ )‬
الرجل‮: ‬هو ليه عمال‮ ‬يغني‮ ‬زي‮ ‬ما هو عاوز
ما وقفتش كلمة النظام في‮ ‬بقه
بس ممكن نلاقي‮ ‬كلمة تانية
نجرب الشعب‮ ‬يريد‮ .... ( ‬يفكر‮ ‬‮)‬
تطهير النظام‮ ( ‬يقف فرحاً‮ ‬‮) ‬أيوه تطهير    
لو طهرنا النظام‮ .. ‬كل شئ هيبقي‮ ‬كويس
‮(‬يخرج من الصندوق‮ )‬‮ ‬مهو مش معقول كل الناس فاسدة‮ ‬
أكيد فيه حد كويس في‮ ‬البلد
أكيد كان فيه حد مع الشعب‮ ‬
واقف معاهم ضد فساد النظام
‮(‬يتجه إلي‮ ‬المطرب ويقف بجواره‮ )‬
إيه رأيك في‮ ‬كلمة تطهير
المطرب‮: (‬بدهشة‮ )‬
كلمة بالتأكيد حلوة بس تطهير من أيه ؟‮!‬
الرجل‮: ‬من الفسدة طبعاً‮ .. ‬اللي‮ ‬أفسدوا هوا ربنا
المطرب‮: ‬والحرامية ؟‮!‬
الرجل‮: ‬طبعاً‮ ‬والحرامية‮ !!‬
المطرب‮: ‬والمرتشين ؟‮!!‬
الرجل‮: (‬ بتأكيد‮ ) ‬والمرتشين‮ .‬
المطرب‮: ‬والظلمة ومستغلي‮ ‬النفوذ والضلالية والقتله وتجار السلاح وتجار الغاز وتجار البشر والأعضاء وحرامية الدعم ومروجي‮ ‬التوريث و‮ .....‬
الرجل‮: (‬ يجلس مكان المطرب‮ )‬
ياه‮ !! ‬دا احنا عاوزين نغير النظام كله
طيب نشيل الوزارة دلوقت
المطرب‮: ‬طيب ورجالة الوزارة اللي‮ ‬موجودين‮ ‬
بحكم قانون التجديد سنوياً
أقصد وكلاء الوزارة ومديري‮ ‬العموم
اللي‮ ‬كانوا بيزينوا كل حاجة وحشة وحرام
الرجل‮: ‬نشيلهم هم كمان ونشيل اللي‮ ‬تحتهم‮ ‬
واللي‮ ‬تحتهم لغاية أصغر موظف
ممكن‮ ‬يكون عليه أي‮ ‬غبار
المطرب‮: ‬طيب والرٍِِِبّة اللي‮ ‬اتربت تحت كدا
اتربت علي‮ ‬القرش الحرام
ومش لاقيه حد الكفاف عشان تعيش
الرجل‮: ‬يبقي‮ ‬لازم نزود المرتبات علشان تعيش
ونزود الدعم عشان‮ ‬يلاقوا قوت‮ ‬يومهم
ونقطع أيد حرامية التموين والوقود
المطرب‮: ‬لو عرفنا‮ ‬يبقي‮ ‬كويس جداً
بس عاوزين ناس بتوع ثورة بجد
ناس بين الثورة وبين أحلامها القديمة
ناس كل مصالحها مع النظام القديم
عاوزين ناس جديدة ونظام جديد
الرجل‮: (‬يقف‮ )‬
ياه‮ .. ‬الحكاية مغلغة قوي‮ ‬ياعم
طيب جرب الشعار كدا
جايز‮ ‬يمشي‮ ‬معاك وعلي‮ ‬لسانك
المطرب‮: (‬ يمسك العود الذي‮ ‬بجواره‮ )‬
‮(‬بزهق‮ ‬‮) ‬صدقني‮ ‬مش هيمشي‮ ‬معايه
بس هحاول أغني‮ ‬الشعار علي‮ ‬قد ما أقدر‮ ‬
وأنت وحظك‮ .... ( ‬يدندن بالعود‮ ‬‮)‬
الرجل‮: ‬طيب سمعني‮ ‬يا فنان
المطرب‮: ‬الشعب‮ ‬يريد تطهير النظام
الشعب‮ ‬يريد تطهير النظام
الرجل‮: (‬يظهر عليه الامتعاض‮ )‬
صوتك المرة دي‮ ‬مش حلو‮ ‬
مش حاسس أنك بتغني‮ ‬بمزاج
حاسس إن فيه حاجة مكسورة
المطرب‮: (‬ بضيق‮ ‬يضع العود بجواره‮ )‬
فعلاً‮ ‬الوزن فيه حاجة مكسورة
الرجل‮: ‬ما تحاول تعدل في‮ ‬الكلمات شوية
المطرب‮: ‬زي‮ ‬التعديل الوزاري‮ ‬بتاع شفيق ولا شرف
الرجل‮: ‬لا‮ .. ‬لا كانت وجوه النظام كله
حتي‮ ‬الجداد منهم كانوا المشتاقين للوزارة
المطرب‮: ‬فاكر الوزير اللي‮ ‬استقال بعد‮ ‬يومين
الرجل‮: ‬أيوه كانت‮ ‬غلطة واعترف بيها وندم عليها
المطرب‮: ‬عشان كدا أنا مش هعدل أبداً
لو عدلت هيطلع الشعار زي‮ ‬الوزارة
لازم‮ ‬يكون فيه وزارة بجد‮ ‬
لازم‮ ‬يكون فيه شعار بجد
الرجل‮: ‬أنا متأسف خلاص‮ ‬يا صاحبي‮ ‬
المطرب‮: ‬يعني‮ ‬أغني‮ ‬اللي‮ ‬أنا عاوزه
الرجل‮: ‬غني‮ ‬اللي‮ ‬أنت عاوزه
بس كلمة إسقاط صعبة قوي
وأنا خايف الحكاية ما تمرش
‮(‬بدهشة‮ ‬‮) ‬معقولة إسقاط مرة واحدة كدا
يا خرابي‮ .. ( ‬يلتفت حوله‮ ‬‮) ‬قلب النظام
‮(‬يجرب‮ ‬‮) ‬الشعب‮ ‬يريد إسقاط النظام
لا‮ ‬ياعم‮ .. ‬أنا داخل أريح جوه
لغاية ما الاقي‮ ‬كلمة تكون مناسبة
المطرب‮: (‬ بزهق‮ )‬‮ ‬لو لقيت كلمة تانية ابقي‮ ‬قولي
الرجل‮: ‬أكيد هلاقي‮ ‬يا حضرة‮ .. ‬أكيد
المطرب‮: (‬يغني‮ ‬بتنويعات مختلفة‮ )‬
الشعب‮ ‬يريد إسقاط النظام
الشعب‮ ‬يريد إسقاط النظام
‮( ‬إظلام‮ ‬‮)‬
هامش(2 )
الموظف‮: (‬ بقرف‮ )‬
قلت لك مفيش تعيين‮ ‬يا حضرة‮ ‬
موجود عقود مؤقته وأجر‮ ‬يومي‮ ‬    
بس لما تطلب الجهات‮ ‬
الحبيبة‮: ‬طيب وامتي‮ ‬هتطلب الجهات
الموظف‮: ‬)بصوت أقل حدة‮ )‬
لما تعوز‮ ‬يا آنسة موظفين‮ ‬
الحبيبة‮: ‬خطيبي‮ ‬خريج موسيقي
وأنا خريجة فنون جميلة
والمفروض نبقي‮ ‬من موظفي‮ ‬الثقافة‮ ‬
بس العقود كلها مؤهلات تانية‮ ‬
حقوق وتجارة وزراعة وعلوم
الموظف‮: ‬يعني‮ ‬الناس دي‮ ‬تموت‮ ‬يا آنسة
الحبيبة‮: ‬لأ‮ .. ‬دول خدوا حقنا بتوصيات‮ ‬
مش اللي‮ ‬عاوزه الشغل بجد
وعلشان كدا كارهين شغلهم
المطرب‮: ‬وولاد العاملين والوسايط والرشاوي
مش اللي‮ ‬عاوزاه الأماكن دي
الموظف‮: ‬يعني‮ ‬دول‮ ‬يموتوا‮ ... ‬كل واحد بيورث ابنه‮ ‬
المطرب‮: ‬ماشي‮ .. ‬يشتغلوا في‮ ‬تخصصاتهم
ولو حد فيهم متخصص بالفن أو الثقافة‮ ‬
يا مرحب به‮ .. ‬وهو الأولي‮ ‬يا حضرة
الموظف‮: ‬علشان ما تزعلش فيه عقد ب‮ ‬108 جنيه
الحبيبة‮: (‬ بفرح‮ )‬‮ ‬ودا فين‮ ‬يا أستاذ لو سمحت ؟‮!‬
الموظف‮: ‬في‮ ‬التربية والتعليم وفرصة تدي‮ ‬دروس
الحبيبة‮: ‬ ما حدش بياخد دروس في‮ ‬الموسيقي
الموظف‮: ‬دا اللي‮ ‬موجود عندنا دلوقت
والباقي‮ ‬عليك وأنت وشطارتك
تقنع العيال بأهمية تعلم الموسيقي
وهما هيجوا علي‮ ‬طول‮ ‬ياخدوا دروس
والبلية هتلعب معاك‮ ‬يا حلو
المطرب‮: ‬رأيك إيه ؟‮!‬
الحبيبة‮: ‬المرتب‮ ‬108 جنيه بس ومفيش دروس
دا أحنا لو بطلنا أكل وشرب ولبس
وحوشنا المبلغ‮ ‬كله ممكن نتجوز إمته‮ ‬يا حبيبي
المطرب‮: ‬ بعد خمسين‮ .. ‬ستين سنه علي‮ ‬الأقل
الحبيبة‮: ‬ بس قيمة الجنيه ما تتغيرش‮ ‬
وطبعاً‮ ‬إيجار جديد
المطرب‮: (‬ بسخرية‮ )‬‮ ‬طبعاً‮ ‬إيجار جديد
‮( ‬إظلام‮ )‬
المشهد‮ ‬(3 )
المطرب‮: (‬ يغني‮ )‬‮ ‬فيها حاجة حلوة
الرجل‮: ‬فعلاً‮ ... ‬فيها حاجة حلوة
أغنية حلوة خالص
أحسن من أغنية إسقاط النظام
دي‮ ‬حتي‮ ‬مش ظهره صوتك
أصوات‮: (‬ بحماس‮ )‬
الشعب‮ ‬يريد إسقاط النظام
الرجل‮: (‬ بزهق‮ )‬
جبنا في‮ ‬سيرة القط جه‮ ‬ينط
ما صدقنا خلصنا من اللي‮ ‬بيقوله
‮(‬يلتفت حوله‮ ‬‮) ‬دي‮ ‬جريمة أمن دولة
وفيها كلبوش جامد قوي
دي‮ ‬غير الإهانة والضرب والنفخ والتعذيب
لا‮ .. ‬لا‮ .. ‬عاوزين حاجة تانية
المطرب‮: ‬حاجة إيه بس‮ ‬يا أستاذ
الرجل‮: ‬حاجة تكون معقوله‮ . ‬مش إسقاط النظام
المطرب‮: ‬غير الهداية والتطهير
الرجل‮: ‬يا ريتهم نفعوا‮ ‬يا فنان‮ ‬
أهم حاجة بلاش إسقاط النظام‮ ( ‬يبعد عن المطرب‮ ‬‮)‬
الناس دي‮ ‬هتودينا في‮ ‬داهية‮ ( ‬لنفسه‮ ‬‮)‬
مش هتبطل حكاية إسقاط النظام
لغاية ما روحنا تسقط في‮ ‬رجلينا
المطرب‮: (‬يقف ويقترب منه‮ ) ‬وتقترح إيه‮ ‬يا أستاذ
الرجل‮: ‬يا ريت حاجة كدا تكون موزونة وتتغني
المطرب‮: ‬أيوه،‮ ‬بس إسقاط النظام بتتغني
الرجل‮: (‬بزهق‮ )‬
ماشي‮ ... ‬حاجة تانيه تتغني،‮ ‬علشان نغير
الودن عاوزه تسمع دائماً‮ ‬جديد
المطرب‮: ‬طيب وتقترح إيه ؟‮!‬
الرجل‮: ‬أقترح تعديل النظام،‮ ‬أهي‮ ‬خطوة
نشيل حد ونحط حد
نشيل وزير ونحط وزير
ولو حكمت نشيل وزارة ونجيب‮ ‬غيرها
إنما إسقاط النظام كله‮ .. ‬لأ‮  ‬طبعاً
‮(‬يلتفت حوله كأنه‮ ‬يخاطب أحداً‮ )‬
أنا بقول أهو‮ .. ‬تعديل مش إسقاط‮ ‬
أصوات‮: ‬الشعب‮ ‬يريد إسقاط النظام
الشعب‮ ‬يريد إسقاط النظام
الرجل‮: (‬بحسم وخوف‮ )‬
الشعب‮ ‬يريد تعديل النظام‮ .. ‬تعديل النظام
أصوات‮: ‬الشعب‮ ‬يريد إسقاط النظام
المطرب‮: (‬يقترب من الرجل الذي‮ ‬يفر منه‮ )‬
مش قلت لك،‮ ‬الناس عاوزه إسقاط النظام
الناس زهقت من الترقيع‮  ‬
عاوزه قماشة جديدة تفصل منها
عاوزه تعمل نظام جديد
مفيهوش رقعة واحدة تبوز الشكل
أصوات‮: ‬الشعب‮ ‬يريد إسقاط النظام
الرجل‮: (‬يشيح بيده‮ )‬
مفيش حاجة بتيجي‮ ‬مرة واحدة
المطرب‮: (‬يهز رأسه رافضاً‮ )‬
لما السوس بينخر في‮ ‬عضو ابتره
عشان تحافظ علي‮ ‬باقي‮ ‬الجسم
الرجل‮: (‬ بود‮ )‬‮ ‬طيب ما نعالجه لو كان‮ ‬يتعالج
المطرب‮: ‬بقولك العضو ضرب والسوس نخر خلاص
لتلحق باقي‮ ‬الجسم‮ ‬يا متلحقوش
الرجل‮: (‬ بتوسل‮ ) ‬طيب عاوز تغني‮ ‬كلمة تعديل كدا
المطرب‮: (‬ باستسلام‮ )‬
علشان خاطرك هاحاول أغني
الشعب‮ ‬يريد تعديل النظام
الرجل‮: (‬ بزهق‮ )‬‮ ‬عاوزك تغني،‮ ‬مش عاوزك تهتف‮ ‬يا فنان
المطرب‮: (‬ يغني‮ ‬بصوت سئ‮ )‬
الشعب‮ ‬يريد تعديل النظام
الشعب‮ ‬يريد تعديل النظام
الرجل‮: ‬صوتك مش حلو خالص
المطرب‮: ‬طيب وأنا أعمل إيه دلوقت
‮(‬بهدوء‮ ‬‮) ‬أغني‮ ‬لك الشعب‮ ‬يريد إسقاط النظام
الرجل‮: ‬لاّ‮ .. ‬صوتك فيها بيلعلع قوي
وبيصحي‮ ‬النايم والغفلان وبيقوي‮ ‬التعبان
طيب جرب تاني‮ ‬علشان خاطري
المطرب‮: (‬يغني‮ ‬بلا رغبة‮ )‬
الشعب‮ ‬يريد تعديل النظام
الشعب‮ ‬يريد تعديل النظام
الرجل‮: ‬صوتك لسه مش حلو‮    ‬            
طيب لو عدلنا النظام من رئاسي‮ ‬لبرلماني
مش دا‮ ‬يكون تعديل كويس
أصوات‮: ‬الشعب‮ ‬يريد إسقاط النظام
المطرب‮: ‬ماليش دعوة‮ ‬،‮ ‬مش انا اللي‮ ‬قلت
الناس هي‮ ‬اللي‮ ‬قالت‮ ‬يا حضرة
الرجل‮: ‬الناس ساعات بتفكر بقلبها
علشان زعلانة من حاجة أو متضايقة من شئ
دا ممكن‮ ‬يكرهوا الحاكم عشان ماتش كورة
‮(‬يتحرك ناحية اليسار‮ )‬
ويحبوه برضه علشان ماتش كورة
المطرب‮: ‬طيب والبلاوي‮ ‬اللي‮ ‬إحنا فيها
والتسعة مليون عانس وال‮ ‬20 مليون أمي
و‮ ‬14 مليار بتوع الدروس الخصوصية
و العيال اللي‮ ‬لسه برضه بتاخد مصروفها
رغم أنهم شابوا من زمان
الرجل‮: ‬أنا مش مختلف معاك‮ ‬يا صديقي
أنا عاوز نعدل النظام بس‮ ‬
واحدة واحدة مش مرة واحدة
المطرب‮: (‬ بحسم‮ ‬،‮ ‬يقعد‮ )‬
لاّ‮ .. ‬مرة واحدة‮ ‬يا حضرة
الشعب كله عاوز كدا‮ ‬
أصوات‮: ‬الشعب‮ ‬يريد إسقاط النظام
الرجل‮: ‬أنا خايف الحكاية دي‮ ‬ما تكملش
وساعتها هنروح في‮ ‬طوكر
المطرب‮: ‬إحنا فعلاً‮ ‬رحنا في‮ ‬طوكر
وما عدش حد بره حد الفقر
الرجل‮: ‬وزيادة معدل النمو تبقي‮ ‬إيه
المطرب‮: ‬تبقي‮ ‬وهم اخترعه وزير المالية اللي‮ ‬فات
زيادة معدل النمو تبقي‮ ‬علي‮ ‬أرض الواقع
مش مجرد أرقام بس
لازم الناس تحس بدا‮ ‬يا حضرة
إنت حسيت بحاجة حلوة
الرجل‮: (‬بحماس‮ )‬‮ ‬لأ‮ .. ‬حتي‮ ‬الزيادة اللي‮ ‬جت‮ ‬30 ٪‮ ‬خدها بالشمال
وزود كل حاجة وضحك علي‮ ‬الناس
أبو ضحكة صفرا الهربان دلوقت‮ ‬
المطرب‮: ‬يبقي‮ ‬الشعب عاوز إيه
الرجل‮: ‬عاوز‮ ‬يعيش كويس ويأمن عياله
المطرب‮: ‬يبقي‮ ‬لازم‮ ‬يقع النظام‮ ‬
أصوات‮: ‬الشعب‮ ‬يريد إسقاط النظام
الرجل‮: ‬يعني‮ ‬مافيش حل تاني‮ ‬يا فنان‮ ‬
المطرب‮: (‬يغني‮ ‬‮) ‬الشعب‮ ‬يريد إسقاط النظام
‮(‬يدندن بمستويات مختلفة‮ )‬
الشعب‮ ‬يريد إسقاط النظام
الرجل‮: ‬يعني‮ ‬ما فيش حل تاني
المطرب‮: (‬باقناع‮ )‬‮ .. ‬دور‮ .. ‬فيه حل‮ ‬غير دا
غير أن الشعب‮ ‬يريد إسقاط النظام
الرجل‮: ‬لاّ‮ .. ‬مفيش حل‮ ‬غير دا
الشعب‮ ‬يريد اسقاط النظام
المطرب‮: (‬ يقف بجوار الرجل‮ )‬
يعني‮ ‬أغني‮ ‬يا صاحبي
الرجل‮: ‬غني‮ ‬زي‮ ‬ما أنت عاوز
أنا كمان هغني‮ ‬معاك‮ .. ‬اللي‮ ‬الناس بجد عاوزاه
هغني‮ ‬غناوي‮ ‬الناس البسطا‮ ‬يا فنان
المطرب‮:  ( ‬يغني‮ )‬‮ ‬مصر إيجار جديد‮   .. ‬مش للتوريث
‮ ‬بلدي‮ ‬الغاليه عليه‮ .. ‬و عاوزه عريس
علي‮ ‬شرط هتخلع منه‮  .. ‬لو كان هليس
و هترمي‮ ‬الدبلة في‮ ‬وشه‮ .. ‬إن كان إبليس
‮ ‬عاوزين ريس‮ ‬يعرف إن الدار‮ .. ‬مش للتوريث
أصوات‮: ‬الشعب‮ ‬يريد إسقاط النظام
المطرب‮: (‬ يغني‮ ) ‬الشعب‮ ‬يريد إسقاط النظام
‮(‬يتوحد صوت المطرب والرجل والناس‮  )‬
‮(‬تتصاعد أغنية فيها حاجة حلوة‮ )‬
إظلام

 

تأليف‮: ‬محمد عبد الحافظ ناصف

معلومات أضافية

  • النص المسرحي: مصر‮ ... ‬ايجار جديد
  • تأليف: ‬محمد عبد الحافظ ناصف
  • معلومات عن المؤلف:
  • منشور في جريدة مسرحنا العدد رقم : ٢٤٩
المزيد من مواضيع هذا القسم: « امرأة‮ ‬غسول زهر العايق المُتجردة »

تعليقاتكم

تأكد من مليء جميع الحقول المشار اليها بعلامة (*)

You are here