اشترك الآن في "مسرحنا" ويمكنك الحصول علي " جريدة مسرحنا " كل أسبوع أينما كنت أرسل حوالة بريدية الي مؤسسة الأهرام_شارع الجلاء_القاهرة_اشتراكات الاهرام/ جريدة مسرحنا .. سعر النسخة لمدة عام: 52 جنيها داخل مصر 65 دولارا للدول العربية 95 دولارا للدول الأجنبية

مسرحية‮ ‬غابة الحب مسرحية عرائس

قييم هذا الموضوع
(0 تقيم)

 

الشخصيات
عصافير‮ ‬(1 – 2 – 3 – 4)
الأزهار
النحل‮ (‬شغالات وذكور وملكة النحل‮)‬
النمل
فراشات
بدر الزمان‮ (‬الأميرة‮)‬
شوق‮ (‬وصيفة الأميرة‮)‬
حسان‮ (‬حارس‮ ‬1‮)‬
نعمان‮ (‬حارس‮ ‬2‮)‬
غدران‮ (‬الصياد الطماع‮)‬
أرنب‮ (‬1‮ ‬صغير الحجم‮)‬
أرنب‮ ‬2‮ (‬أكبر من أرنب‮ ‬1‮)‬
الغزال
الدب
جاموسة وحشية
الفصل الأول
المشهد الأول‮: ‬
المنظر‮ (‬غابة كثيفة الأشجار والأشجار مليئة بأعشاش الطيور ويجري‮ ‬من تحتها جدول للمياه تلتف حوله الكثير من الأزهار التي‮ ‬تطير عليها الفراشات والنحل،‮ ‬وعليّ‮ ‬الأرضية‮ ‬يوجد بها عش ظاهر للنمل كما‮ ‬يوجد بعض الجحور للأرانب البرية،‮ ‬وفي‮ ‬الأفق تبدو السماء بلونها الأزرق الصافي‮).‬
الوقت‮: ‬أحد أيام الربيع فجرًا حيث النسيم‮ ‬يداعب أوراق الشجر المورقة حديثًا وكذلك‮ ‬يهز الأزهار علي‮ ‬أعناقها للتمايل في‮ ‬نشوة وطرب‮.‬
‮(‬يفتح الستار لنسمع تغريد الطيور التي‮ ‬تشترك مع النحل والأزهار والفراشات والنمل لتقديم أوبريت‮ ‬غنائي‮ ‬علي‮ ‬النحو التالي‮).‬
العصافير‮:‬‮ ‬أغنية معناها أحنا طيور الصباح النشطة والتي‮ ‬تصحو مبكرا للسعي‮ ‬وراء رزقها وإطعام صغارها وإضافة البهجة علي‮ ‬جو الغابة الجميل‮.‬
الأزهار‮: ‬أغنية معناها إحنا الزهور التي‮ ‬تجعل ألوان الغابة مثل اللوحة الفنية الجميلة والتي‮ ‬لا‮ ‬يستطيع أن‮ ‬يرسمها إنسان،‮ ‬ونحن مصدر العطر الجميل الذي‮ ‬يفوح في‮ ‬كل مكان‮.‬
النحل‮:‬‮ ‬أغنية معناها نحن المثال العملي‮ ‬علي‮ ‬الجد والاجتهاد والنظام والعمل الذي‮ ‬يبدأ مع بداية شروق الشمس ولا‮ ‬ينتهي‮ ‬إلا مع‮ ‬غروبها‮.‬
النمل‮: ‬أغنية معناها نحن الجنود المجهولون في‮ ‬هذه الغابة عظيمة الاتساع،‮ ‬والمسئولون عن نظافتها وتطهيرها من كل النفايات وبقايا الحيوانات‮.‬
الفراشات‮: ‬أغنية معناها نحن نقوم بدور كيوبيد بين الأزهار فنحن رسل الحب التي‮ ‬تؤلف بين القلوب وتثير البهجة في‮ ‬النفوس‮.‬
‮(‬تدخل الأميرة بدر الزمان وهي‮ ‬فتاة جميلة تجيد رقص الباليه وخلفها وصيفتها شوق وهي‮ ‬عروسة لسيدة عجوز وتبدو علي‮ ‬وجهها ملامح الطيبة وفي‮ ‬يدها سلة صغيرة وخلفها حارسان‮ ‬يحملان أسلحة نارية لحماية الأميرة،‮ ‬تقدم الأميرة استعراضًا راقصًا وأغنية تقول كلماتها‮:‬
إن الحياة الحرة الطليقة في‮ ‬الغابة هي‮ ‬الحياة التي‮ ‬تتمني‮ ‬الأميرة أن تعيشها إلي‮ ‬الأبد حيث الهواء الطلق وتغريد الطيور ورائحة الزهور‮).‬
الوصيفة‮:‬‮ ‬الله‮ ‬يا مولاتي‮ ‬الأميرة بدر الزمان،‮ ‬تبارك الخلاق فيما أبدع وصور،‮ ‬شباب،‮ ‬رشاقة،‮ ‬صوت جميل،‮ ‬دا‮ ‬غير الصورة البهية‮.‬
الأميرة‮:‬‮ ‬وبعدين معاكي‮ ‬يا دادا شوق؟ أنت كده ح تخليني‮ ‬أبقي‮ ‬الأميرة المغرورة‮.‬
الوصيفة‮: ‬ومتتغريش ليه‮ ‬يا مولاتي؟ خدودك ليها لون أجمل من لون كل الورود،‮ ‬وقوامك أحلي‮ ‬وأجمل من كل الغزلان دا‮ ‬غير جسمك اللي‮ ‬أخف من كل الفراشات،‮ ‬ولاّ‮ ‬صوتك اللي‮ ‬أحلي‮ ‬من أصوات العصافير،‮ ‬آه‮ ‬يا مولاتي‮ ‬أنا لو عندي‮ ‬ربع جمالك بس ما كانش حد قدر‮ ‬يكلمني‮.‬
الأميرة‮:‬‮ ‬وماكانش حد برضه قدر‮ ‬يحبك،‮ ‬ما تنسيش‮ ‬يا دادا إن التواضع وحب الغير أهم بكثير من حب الذات والتعالي‮ ‬علي‮ ‬باقي‮ ‬المخلوقات لأن لكل واحد جماله الخاص والأهم من جماله هي‮ ‬فايدته لكل اللي‮ ‬حواليه وللمكان اللي‮ ‬عايش فيه‮.‬
الوصيفة‮:‬‮ ‬ربنا‮ ‬يزيد مولاتي‮ ‬حسن وأدب وعلم،‮ ‬‮(‬تتجه الوصيفة لقطف بعض الزهور‮).‬
زهرة‮ ‬1 ‮: ‬الحقوا‮ ‬يا كل الزهور خدوا بالكم
زهرة‮ ‬2 ‮: ‬كل زهرة تثبت نفسها جامد في‮ ‬الأرض
زهرة‮ ‬3 ‮:‬‮ ‬الحقونا‮ ‬‮(‬تصرخ بشدة وبأعلي‮ ‬صوتها‮)‬
زهرة‮ ‬4‮: (‬الوصيفة تمسك عنقها وتحاول قطفها‮) ‬حرام عليكي‮ ‬أنا ما عملتش حاجة سيبيني‮ ‬أعيش‮.. ‬سيبيني‮ ‬أعيش‮.‬
زهرة :5 الحقينا‮ ‬يا مولاتي‮ ‬الأميرة بدر الزمان‮ (‬تلتفت الأميرة لتجد الوصيفة شوق وهي‮ ‬تحاول قطف الزهرة بينما النمل والنحل‮ ‬يحاولون الدفاع عن الزهرة‮).‬
الأميرة‮: (‬بفزع‮)‬‮ ‬أنت بتعملي‮ ‬إيه‮ ‬يا شوق؟
الوصيفة‮: ‬باجمع لمولاتي‮ ‬شوية ورد علشان تمتعي‮ ‬عينيك بهيم وتشمي‮ ‬ريحتهم اللي‮ ‬تشرح القلب‮.‬
الأميرة‮:‬‮ ‬أنت بكدة ها تموتي‮ ‬كل الزهور وحتقضي‮ ‬علي‮ ‬اللون الجميل والريحة العطرة‮.‬
الوصيفة‮: ‬لأ‮ ‬يا مولاتي‮ ‬موش ح أموتهم دا أنا ح أحطهم في‮ ‬الفاز وأحطلهم شوية ميه علشان‮ ‬يعيشوا طول اليوم‮.‬
الأميرة‮:‬‮ ‬برضه ها‮ ‬يموتوا‮ ‬يا دادا شوق‮.. ‬ربنا خلق لنا الجمال ده علشان نتمتع بيه وهو في‮ ‬مكانه وسط الطبيعة الخلابة اللي‮ ‬تسحر العقل‮.‬
الأزهار‮:‬‮ ‬شكرًا لمولاتي‮ ‬الأميرة أنقذتينا في‮ ‬آخر لحظة إحنا كلنا مدينين لك بعمرنا كله‮.‬
الأميرة‮:‬‮ ‬غريبة‮.. ‬أنا ما كنتش مصدقة إن دا صوتكم أنتم هو أنتم بتعرفوا تتكلموا زي‮ ‬البني‮ ‬آدمين‮.‬
زهرة‮ ‬ :1 مولاتي‮ ‬الأميرة عارفة إن لكل نوع ولكل جنس لغته الخاصة بيه‮.. ‬لكن الإنسان الشفاف اللي‮ ‬زيك هو بس اللي‮ ‬يقدر‮ ‬يحس بينا ويسمعنا زي‮ ‬ما أحنا بنحس بيه وبنسمعه كمان‮.‬
زهرة‮ ‬ :2دا‮ ‬غير إننا كمان نقدر نتعامل معاه‮.‬
زهرة‮ ‬ :3يعني‮ ‬باختصار ممكن‮ ‬يكون فيه لغة للتخاطب بينك وبين أي‮ ‬كائن‮ ‬يحبك وتحبيه‮.‬
الأميرة‮: ‬يعني‮ ‬أقدر أتكلم مع العصافير أو الأشجار ولا حتي‮ ‬الفراشات الجميلة‮ (‬تحدث جلبة بين أصوات العصافير وحفيف الأشجار وطنيين النحل‮).‬
عصفور‮ ‬ :1الإنسان اللي‮ ‬ليه قلب زي‮ ‬قلب مولاتي‮ ‬الأميرة‮ ‬يقدر‮ ‬يتكلم معانا بكل وضوح وبكل سهولة‮.‬
عصفور‮ ‬ :2ونقدر نوريله حاجات عمره ما‮ ‬يقدر‮ ‬يشوفها لوحده‮.‬
عصفور‮ ‬ :3وممكن كمان نخليه‮ ‬يطير ويانا لأبعد مكان في‮ ‬الكون‮.‬
نحلة‮ ‬ :1اللي‮ ‬بيحب الكائنات زي‮ ‬مولاتي‮ ‬الأميرة‮ ‬يقدر‮ ‬يتفاهم معانا زي‮ ‬ما بنتفاهم دلوقت معاك‮.‬
نحلة‮ ‬ :2 ونقدر نحكي‮ ‬له علي‮ ‬اللي‮ ‬بنعمله في‮ ‬بيتنا الكبير‮.‬
نحلة‮ ‬ ) :3موضحة‮)‬‮ ‬اللي‮ ‬أنتم بتسموه خلية النحل‮ ‬يا مولاتي‮.‬
نحلة‮ ‬ :1الإنسان المتواضع اللي‮ ‬الغرور ما قدرش‮ ‬يدخل لقلبه‮ ‬يقدر ببساطة‮ ‬يشوفنا ويتكلم معانا وندافع عنه‮.‬
نحلة‮ ‬ :2كأنه واحد مننا بالظبط‮.‬
الأميرة‮:‬‮ ‬أنا موش قادرة أصدق كل اللي‮ ‬أنا سامعاه بوداني‮.. ‬أنا فعلا بتكلم وياكم وحاسة إني‮ ‬فاهماكم كويس‮.‬
عصفور‮ ‬ :1الحقينا‮ ‬يا مولاتي‮ ‬بدر الزمان‮.. ‬فيه حارس من حراسك عاوز‮ ‬يقتل واحد مننا ببندقيته‮.‬
الأميرة‮: (‬تلتفت لتجد أحد الحراس‮ ‬يصوب بندقيته تجاه الشجر‮)‬‮.. ‬أنت ح تعمل إيه؟
حارس‮ ‬ :1ما تقلقيش‮ ‬يا مولاتي‮ ‬أنا أحسن حارس‮ ‬يصوب ويقدر‮ ‬يصيب الهدف من بعد‮.‬
الوصيفة‮: ‬لو مولاتي‮ ‬موش عاوزه أزهار‮.. ‬خلي‮ ‬الحارس حسان‮ ‬يغدينا لحم طيور من اللي‮ ‬علي‮ ‬الشجر،‮ ‬دا ألذ لحم‮ ‬يا مولاتي‮.‬
حارس :2ولاّ‮ ‬مولاتي‮ ‬تحب أروح اصطاد لها أرنب أو‮ ‬غزال؟‮ ‬‮(‬ينحني‮ ‬لها بأدب‮)‬
الأميرة‮: ‬أنا موش عاوزة حاجة من دي‮ ‬خالص‮.. ‬موش عاوزه أكون السبب في‮ ‬أذية أي‮ ‬مخلوق ليه دورة اللي‮ ‬بيساهم بيه في‮ ‬الصورة الجميلة اللي‮ ‬خلقها لنا ربنا‮.‬
الوصيفة‮:‬‮ ‬ونعم بالله‮.. ‬إن الله جميل‮ ‬يحب الجمال‮.‬
حارس‮ ‬ :1لكن‮ ‬يا مولاتي‮ ‬الصيد حلال وربنا أباحه لنا علشان نتمتع بيه ونشكر ربنا علي‮ ‬نعمته‮.‬
الأميرة‮: ‬وأنا ما قلتش إنه حرام‮.. ‬لكن خلوا الصيد ده مهمة الصيادين اللي‮ ‬ليهم رزق فيه،‮ ‬وإحنا كفاية علينا نتمتع بالجمال ونعيش وسطيه‮.‬
عصفور‮ ‬ :1شكرا لمولاتي‮ ‬الأميرة علي‮ ‬رقة قلبها‮.‬
عصفور‮ ‬ :2الظاهر إن موش بس الأزهار هيّ‮ ‬اللي‮ ‬مدانة لمولاتي‮ ‬بحياتها‮.‬
الجميع‮: ‬كلنا فدا مولاتي‮ ‬الأميرة بدر الزمان‮.‬
نحلة‮ ‬ :1احنا كلنا النهارده أصدقاء مقربيين لمولاتي‮ ‬الأميرة‮.‬
نحلة‮ ‬ :2 تحيا الأميرة صديقة كل الكائنات‮.‬
الجميع‮: (‬في‮ ‬شكل هتاف جماعي‮)‬‮ ‬تحيا الأميرة صديقة المخلوقات‮.‬
الأميرة‮:‬‮ ‬شكرًا علي‮ ‬مشاعركم النبيلة،‮ ‬ويا ريتني‮ ‬ما كنت أميرة علشان كنت فضلت علي‮ ‬طول عايشة وسطيكم‮.‬
عصفور‮ ‬ :1 مولاتي‮ ‬فعلاً‮ ‬تقدر تكون وسطينا‮.‬
الأميرة‮: (‬في‮ ‬تلهف‮)‬‮ ‬إزاي؟
عصفور‮ ‬ :3بالحب‮ ‬يا مولاتي‮.‬
زهرة‮ ‬ :4 اللي‮ ‬يحب شيء‮ ‬يقدر‮ ‬يشوفه عن قرب‮ ‬
نحلة‮ ‬ :3 ويقدر‮ ‬يعرف عنه كل حاجة‮.‬
الأميرة‮:‬‮ ‬يا ريت دا‮ ‬يحصل فعلا وأقدر أعرف عنكم كل حاجة‮.‬
عصفور‮ ‬2‮: ‬إحنا عندنا أكتر كمان من المعرفة‮ ‬يا مولاتي‮.‬
الأميرة‮ : (‬بدهشة‮) ‬أكتر من المعرفة‮.. ‬طب إزاي؟
نحلة‮ ‬4 ‮:‬‮ ‬لو علي‮ ‬المعرفة وبس‮ ‬يبقي‮ ‬الكتب فيها كل حاجة‮.‬
زهرة‮ ‬1 ‮: ‬دا‮ ‬غير الصور والأفلام والمعارض والمتاحف‮.‬
عصفور‮ ‬3‮:‬‮ ‬ومعاهد الدراسات وسيديهات الكمبيوتر وبنوك المعلومات‮.‬
نحلة‮ ‬4 ‮:‬‮ ‬لكن الأكتر من المعرفة‮ ‬يا مولاتي‮.‬
نحلة‮ ‬1‮:‬‮ ‬إنك تعيشي‮ ‬بيننا وتعرفي‮ ‬عننا كل حاجة‮.‬
الأميرة‮ : (‬بدهشة‮)‬‮ ‬أعيش بينكم؟ وبجسمي‮ ‬الكبير ده؟ طب إزاي‮.‬
نحلة‮ ‬2‮ :‬‮ ‬سيبي‮ ‬الحكاية دي‮ ‬علينا إحنا‮ ‬‮(‬موسيقي‮ ‬لرقصة جماعية تشترك فيها كل الحشرات والطيور مع الأميرة وتنتهي‮ ‬بنوم الأميرة تحت إحدي‮ ‬الأشجار بينما نسمع أغنية حب لها مع إظلام المشهد الأول‮).‬
المشهد الثاني‮ ‬
المنظر‮: (‬داخل خلية نحل حيث أقراص العسل مكبرة بعض الشيء وكذلك النحل مكبر مما‮ ‬يوحي‮ ‬بتصغير الأميرة مثلهم ونري‮ ‬الشغالات‮ ‬يدخلن بحبوب اللقاح في‮ ‬أرجلهن ويقمن بتفريغه في‮ ‬الخلايا،‮ ‬بينما البعض الآخر‮ ‬يقمن بتغذية الصغار،‮ ‬وبعض الشغالات الأخريات‮ ‬يقمن بتهوية الخلية عن طريق الرفرفة المستمرة بأجنحتها وباقي‮ ‬الشغالات‮ ‬يقمن بالتنظيف وترتيب الخلية من الداخل،‮ ‬بينما ذكور النحل تتصارع فيما بينها لاختيار الأقوي‮ ‬ونسمع الطنين وكأنه نغمة موسيقية لا تنقطع داخل الخلية‮).‬
الأميرة‮:‬‮ ‬أنا دخلت جوه الخلية كده بسهولة إزاي؟؟
نحلة‮ ‬1 ‮:‬‮ ‬إذا كان الإنسان عنده أدواته اللي‮ ‬بيشوف بيها كل حاجة مهما كانت صغيرة ويقدر‮ ‬يكبرها لأي‮ ‬حجم هوّ‮ ‬عاوزه،‮ ‬فإحنا كمان عندنا طريقتنا اللي‮ ‬نقدر نصغرك بيها‮.‬
الأميرة‮: ‬أنا موش مصدقة نفسي،‮ ‬يعني‮ ‬أنا دلوقت صغيرة قدكم؟
نحلة‮ ‬3 ‮:‬‮ ‬لكن بشكل مؤقت وبمجرد خروجك من الخلية ح ترجعي‮ ‬فورا لحجمك الطبيعي‮.‬
الأميرة‮: ‬وإيه أول حاجة ح أشوفها عندكم‮.‬
نحلة‮ ‬1 ‮: ‬مولاتي‮ ‬الملكة‮.‬
الأميرة‮: ‬هو أنتم عندكم ملكة زي‮ ‬عندنا؟
نحلة‮ ‬2‮:‬‮ ‬طبعًا ونشيطة جدًا وكل فرد مننا بيسمع أوامرها من‮ ‬غير مناقشة أو اعتراض لأن رأيها دايما لصالح كل فرد من أفراد الخلية‮.‬
نحلة‮ ‬1‮:‬‮ ‬اتفضلي‮ ‬يا مولاتي‮ ‬بدر الزمان‮ ‬‮(‬تقودانها إلي‮ ‬الملكة المشغولة بوضع البيض داخل الخلايا السداسية‮).‬
الأميرة‮:‬‮ ‬مولاتي‮ ‬الملكة‮ ‬‮(‬تنحني‮ ‬لها علي‮ ‬ركبة ونصف في‮ ‬وقار‮)‬
الملكة‮:‬‮ ‬أهلا ومرحبا بالأميرة بدر الزمان‮.‬
الأميرة‮:‬‮ ‬وكمان عارفه اسمي؟
الملكة‮:‬‮ ‬وأعرف عنك كل حاجة كمان،‮ ‬وسعيدة جدا إني‮ ‬شوفتك وإنك شرفتيني‮ ‬في‮ ‬بيتنا الكبير‮.‬
الأميرة‮:‬‮ ‬وأنا كمان عاوزه أعرف كل حاجة،‮ ‬وإيه اللي‮ ‬بيدور في‮ ‬الخلية الصغيرة دي‮ ‬طول النهار؟
الملكة‮: (‬مشيرة إلي‮ ‬الشغالات اللائي‮ ‬يفرغن حبوب اللقاح‮) ‬شغلنا‮ ‬يبدأ جوه الخلية من هنا،‮ ‬طول اليوم تسافر الشغالات إلي‮ ‬أماكن بعيدة جدا أما بالنسبة لكم أنتم‮ ‬يا بني‮ ‬البشر‮  ‬فالمسافات دي‮ ‬بتعتبر بسيطة نسبيا،‮ ‬ومن المسافات دي‮ ‬يبدأ اختبار الأزهار اللي‮ ‬الشغالات ح تحط عليها وتجمع منها الرحيق وحبوب اللقاح،‮ ‬وعلي‮ ‬فكرة حكاية جمع الرحيق وحبوب اللقاح دي‮ ‬بتساعد الأشجار والنباتات علشان تثمر بشكل أفضل‮.‬
الأميرة‮: (‬تشير إلي‮ ‬العيون السداسية‮)‬‮ ‬يعني‮ ‬أنتم بتجمعوهم من المسافات البعيدة دي‮ ‬علشان تخزنوهم وخلاص؟
الملكة‮: ‬طبعا‮ ‬لا،‮ ‬إحنا بننتج منهم حاجة اسمها خبز النحل علشان نغذي‮ ‬عليه الصغار اللي‮ ‬أنتم بتسموهم اليرقات،‮ ‬وكمان بننتج العسل اللي‮ ‬بيتغذي‮ ‬عليه الكبار،‮ ‬واللي‮ ‬بندافع عنه لما حد‮ ‬يفكر أنه‮ ‬يسرقه‮.‬
الأميرة‮:‬‮ ‬هو فيه حد‮ ‬يقدر‮ ‬يدخل هنا وكمان‮ ‬يسرق عسلكم؟
الملكة‮:‬‮ ‬طبعا فيه لكل كائن عدوه الطبيعي‮ ‬اللي‮ ‬بيتطفل علي‮ ‬مجهوده ويتغذي‮ ‬علي‮ ‬اللي‮ ‬غيره بيشقي‮ ‬فيه طول السنة‮.‬
الأميرة‮:‬‮ ‬ويا تري‮ ‬مين العدو ده بالنسبة لكم؟
الملكة‮: ‬الدبابير المتوحشة،‮ ‬لكن إحنا هنا بنقدر ندافع كويس عن بيتنا وعسلنا وفيه مننا اللي‮ ‬بيقوم بدور الجنود للحماية والوقوف ضد أي‮ ‬دخيل‮.‬
الأميرة‮:‬‮ ‬وإزاي‮ ‬عرفتهم تبنوا كل الأرفف دي؟ وبالنظام ده؟
الملكة‮ : (‬ضاحكة‮)‬‮ ‬دي‮ ‬موش أرفف دي‮ ‬خازنات علي‮ ‬هيئة عيون سداسية،‮ ‬ودي‮ ‬بيشترك في‮ ‬بنائها معظم الشغالات مع الشمع اللي‮ ‬بتفرزه من أجسامها‮.‬
الأميرة‮:‬‮ ‬ومولاتي‮ ‬الملكة بتصنع معاهم شمع؟
الملكة‮:‬‮ ‬لأ،‮ ‬أنا مسئوليتي‮ ‬الأكبر والأهم هي‮ ‬عملية وضع البيض اللي‮ ‬بيخرج منه كل أفراد الخلية‮.‬
الأميرة‮:‬‮ ‬يعني‮ ‬ما حدش تاني‮ ‬بيشترك مع مولاتي‮ ‬في‮ ‬وضع البيض؟
الملكة‮: ‬لأ طبعًا،‮ ‬والملكة الجديدة اللي‮ ‬تقدر علي‮ ‬وضع البيض بنفسها لازم تسيب الخلية فورا مع شوية شغالات ويطيروا لمكان جديد وتقوم بتأسيس مملكة جديدة وتكون هي‮ ‬ملكتها المسئولة عنها‮.‬
الأميرة‮:‬‮ ‬وكل العدد الكبير ده لزومه إيه؟
الملكة‮:‬‮ ‬ما تنسيش أن الشغالات دول همّ‮ ‬اللي‮ ‬بيقوموا بكل الخدمات زي‮ ‬التنظيف والتهوية وتغذية الصغار والدفاع عن الخلية دا‮ ‬غير الرحلة الطويلة اللي‮ ‬بيقوموا بيها كل صباح علشان‮ ‬يجمعوا الرحيق وحبوب اللقاح‮.‬
الأميرة‮:‬‮ ‬الظاهر إنها شغلانة صعبة جدا‮ ‬يا مولاتي‮ ‬الملكة‮.‬
الملكة‮:‬‮ ‬لكن إحنا سعداء بيها وبنحبها وبنتفاني‮ ‬فيها علشان كل حاجة هنا تمشي‮ ‬بنظام ودقة متناهية‮.‬
الأميرة‮:‬‮ ‬أنا لازم أزوركم تاني‮ ‬كتير علشان أقدر أعرف كل أسراركم المدهشة والجميلة؟
الملكة‮:‬‮ ‬أي‮ ‬وقت الخلية مفتوحة للأميرة بدر الزمان طول ما هي‮ ‬بتحب الخير والكائنات اللي‮ ‬حواليها‮.‬
الأميرة‮: (‬تقوم بتحية كل أفراد الخلية الذين‮ ‬يودعونها باستعراض‮ ‬غنائي‮ ‬تقول كلماته ما أحلي‮ ‬العمل الدائم المثمر الذي‮ ‬يضفي‮ ‬علي‮ ‬من‮ ‬يقوم به قيمة له ولمن حوله‮).‬
إظلام تدريجي
الفصل الثاني
المنظر‮:‬‮ ‬نفس المنظر للمشهد الأول من الفصل الأول ونجد الأميرة‮ ‬يلتف من حولها الأرانب والغزلان وفراشات الحرير وبعض الحيوانات الأليفة مما‮ ‬يدل علي‮ ‬زيادة شعبية الأميرة‮.‬
الأرنب‮:‬‮ ‬مولاتي‮ ‬بدر الزمان لازم تزوريني‮ ‬في‮ ‬جحري‮ ‬وتعرفي‮ ‬كل اللي‮ ‬بيحصل فيه زي‮ ‬ما زرتي‮ ‬مملكة النحل الطنان وتشوفي‮ ‬إزاي‮ ‬بحفر تحت الأرض أنفاقًا طويلة جدًا وفين بأخزن أكلي‮ ‬أيام الشتاء الباردة وتشوفي‮ ‬غرف تربية الصغار المفروشة بالشعر الناعم‮.‬
الغزالة‮: ‬وأنا عازمة مولاتي‮ ‬الأميرة علي‮ ‬رحلة من الصعب عليها أنها تقوم بيها بمفردها علشان تشوف‮ ‬ينابيع الميه اللي‮ ‬باشرب منها أنا وأخواتي‮ ‬وكمان أوريلك التلال الجبلية اللي‮ ‬ما بنشبعش من اللعب عليها أبدًا‮.‬
فراشة الحرير‮:‬‮ ‬ومولاتي‮ ‬موش ناوية تشرفني‮ ‬وتشوف أصغر مصنع للحرير في‮ ‬العالم كله؟
الأميرة‮:‬‮ ‬مصنع للحرير‮! ‬وكمان أصغر مصنع في‮ ‬العالم كله‮.‬
فراشة الحرير‮: ‬طبعًا وعلشان أقدر أعمل المصنع ده باضطر‮ ‬يكون ليا صور كثيرة،‮ ‬مرة فراشة،‮ ‬ومرة عذراء،‮ ‬ومرة دودة قز‮.‬
الأميرة‮:‬‮ ‬طبعا أنا عارفة دودة القز كويس وعارفة كمان شرنقة الحرير‮.‬
فراشة الحرير‮:‬‮ ‬أهي‮ ‬الدودة دي‮ ‬صورتي‮ ‬التانية اللي‮ ‬باضطر أفضل عليها علشان بينمو ليا مغزل من أجزاء فمي‮ ‬أقدر أغزل بيها خيوط الحرير‮.‬
الأميرة‮:‬‮ ‬أنا زي‮ ‬ما قلتلكم لازم أزوركم كلكم وأتعرف أكتر علي‮ ‬كل واحد فيكم‮ ‬‮(‬يسمع من الخارج صوت طلقات نارية تفزع علي‮ ‬أثرها الطيور والأميرة وتختفي‮ ‬كل الكائنات بينما‮ ‬يتأهب الحارسان للدفاع عن الأميرة‮).‬
حارس‮ ‬2 ‮:‬‮ ‬ارمي‮ ‬سلاحك وارفع أيديك لفوق‮.‬
حارس‮ ‬1 ‮: ‬قولنا لك ارمي‮ ‬سلاحك‮ ‬‮(‬يدخل‮ ‬غدران الصياد رافعًا سلاحه لأعلي‮ ‬ويتقدم بحذر‮).‬
غدران‮: ‬أنا معايا رخصة صيد،‮ ‬وباصطاد في‮ ‬المكان المسموح بيه‮ ‬‮(‬يلحظ الأميرة فتلمع عيناه‮)‬‮ ‬الله الله مين في‮ ‬الغابة؟
حارس‮ ‬2 ‮: ‬مولاتي‮ ‬الأميرة بدر الزمان‮.‬
غدران‮: (‬يتقدم للأميرة وينحني‮)‬‮ ‬تشرفنا‮ ‬يا مولاتي‮ ‬الأميرة‮.‬
الوصيفة‮: (‬في‮ ‬لهجة آمرة‮)‬‮ ‬ارجع لورا وأنت بتخاطب مولاتي‮ ‬الأميرة‮ ‬
غدران‮: (‬يدور حول الأميرة وفي‮ ‬عينيه‮ ‬يبدو الطمع‮) ‬أول مرة أعرف إن مولاتي‮ ‬الأميرة ليها في‮ ‬صيد الغابات‮.‬
الأميرة‮:‬‮ ‬أنا موش هنا بغرض الصيد،‮ ‬كفاية عليا أعيش لحظات بين كل الجمال اللي‮ ‬هنا وأتمتع بيه‮.‬
غدران‮: (‬يضحك ضحكة شريرة‮)‬‮ ‬هو فيه حد‮ ‬يدخل الغابة برجليه بهدف تاني‮ ‬غير الصيد؟
الوصيفة‮:‬‮ ‬قولت لك ارجع لورا وأنت بتتكلم مع مولاتي‮ ‬الأميرة‮ ‬‮(‬الحارسان‮ ‬يحيطان‮ ‬غدران بتوجس‮).‬
غدران‮:‬‮ ‬الظاهر أني‮ ‬موش ح أعرف أتكلم مع مولاتي‮ ‬في‮ ‬هدوء‮.‬
الأميرة‮: (‬تخاطب الحارسين‮)‬‮ ‬حسان‮.. ‬نعمان،‮ ‬سيبوا السيد الصياد علي‮ ‬راحته‮.‬
الوصيفة‮:‬‮ ‬سيد؟ مولاتي‮.‬
الأميرة‮:‬‮ ‬وأنتي‮ ‬كمان‮ ‬يا دادا شوق خليه‮ ‬يتكلم زي‮ ‬ما هوّ‮ ‬عاوز
غدران‮: ‬الحقيقة‮ ‬يا مولاتي‮ ‬أنا موش جاي‮ ‬الغابة بغرض الكلام،‮ ‬والمفروض أن الواحد ما‮ ‬يضيعش الفرصة دي‮ ‬أبدًا من إديه‮ ‬
الوصيفة‮: ‬فرصة؟
غدران‮: (‬متداركا‮)‬‮ ‬قصدي،‮ ‬فرصة أني‮ ‬أشوف مولاتي‮ ‬الأميرة قدام عينيا،‮ ‬ده أغلي‮ ‬عندي‮ ‬من أي‮ ‬صيد‮.‬
الوصيفة‮:‬‮ ‬قصدك إيه بالظبط؟
غدران‮: ‬لأ‮ ‬أنا ما قصديش أي‮ ‬حاجة،‮ ‬لكن مولاتي‮ ‬لازم تعذرني،‮ ‬أنا الدنيا كلها عندي‮ ‬فريسة وصيد وتمن لازم في‮ ‬النهاية أحصل عليه‮.‬
الأميرة‮: ‬لكن لازم تأخد بالك،‮ ‬موش دايما الصياد بيفضل صياد،‮ ‬ممكن‮ ‬ييجي‮ ‬عليه‮ ‬يوم‮ ‬يبقي‮ ‬فريسة لغيره‮.‬
غدران‮ : (‬بغرور مبالغ‮ ‬فيه‮)‬‮ ‬حد‮ ‬غيري‮ ‬يا مولاتي،‮ ‬إنما أنا مستحيل،‮ ‬أنا عمري‮ ‬ما دخلت الغابة وخرجت منها خسران أبدًا‮.‬
الأميرة‮: ‬يجوز،‮ ‬لكن دوام الحال من المحال‮.‬
غدران‮:‬‮ ‬لو سمحت لي‮ ‬مولاتي‮ ‬الأميرة،‮ ‬نعقد سوا اتفاق‮.‬
الأميرة‮:‬‮ ‬اتفاق؟ بين مين ومين؟
غدران‮:‬‮ ‬بين مولاتي‮ ‬بدر الزمان وبين خادمك المطيع‮ ‬غدران‮ ‬‮(‬مشيرًا بفخر إلي‮ ‬نفسه‮)‬‮.‬
الأميرة‮:‬‮ ‬اسم‮ ‬غريب جدًا،‮ ‬فيه حد اسمه‮ ‬غدران‮!‬
غدران‮:‬‮ ‬يا ريت مولاتي‮ ‬ما تشغلش بالها بحكاية الاسم دي،‮ ‬وكفاية أنه ح‮ ‬يكون فيه بينا عقد اتفاق‮.‬
الوصيفة‮: ‬مولاتي‮ ‬الأميرة موش في‮ ‬الغابة بغرض عقد اتفاق مع حد،‮ ‬ومن فضلك ممكن تسيبنا لوحدنا بلاش تعترض طريق الأميرة‮.‬
غدران‮: (‬بمسكنة ومكر‮) ‬اعترض طريق الأميرة؟؟‮! ‬دا أنا خادمها المطيع‮ (‬موجها كلامه لبدر الزمان‮)‬‮ ‬الظاهر‮ ‬يا مولاتي‮ ‬أني‮ ‬تعديت حدودي،‮ ‬إلا إذا كان‮.‬
الأميرة‮: ‬كمل كلامك،‮ ‬سكت ليه
غدران‮: (‬مشيرا إلي‮ ‬شوق والحارسين‮)‬‮ ‬إلا إذا كان عند مولاتي‮ ‬رغبة في‮ ‬أنها تعرف المزيد وتشوف اللي‮ ‬عمرها ما شافته في‮ ‬الغابة،‮ ‬وكمان تعرف بنود الاتفاق‮.‬
الوصيفة‮:‬‮ ‬قولت لك‮.‬
الأميرة‮: (‬تقاطعها‮)‬‮ ‬من فضلك‮ ‬يا داده شوق سيبيه‮ ‬يكمل كلامه
غدران‮: (‬هامسًا‮) ‬الأحسن‮ ‬يا مولاتي‮ ‬أنك تؤمري‮ ‬بانصرافها مع الحارسين اللي‮ ‬ما لهمش أي‮ ‬لازمة في‮ ‬المكان‮.‬
الأميرة‮:‬‮ ‬وأنت ليه معترض علي‮ ‬وجود الحراس؟
غدران‮:‬‮ ‬العفو‮ ‬يا مولاتي،‮ ‬ما فيش أدني‮ ‬اعتراض،‮ ‬لكن اللي‮ ‬يكون في‮ ‬حاجة للحراسة شخص تاني‮ ‬غير مولاتي‮ ‬الأميرة،‮ ‬شخص‮ ‬يكون خايف من شيء،‮ ‬إنما مولاتي‮ ‬الأميرة الكل هنا بيحبها ويتمني‮ ‬يضحي‮ ‬بحياته علشان راحتها،‮ ‬يبقي‮ ‬ح تخاف من إيه؟
الأميرة‮: ‬كلام معقول،‮ ‬حسان‮.. ‬نعمان اتفضلوا أنتوا اسبقوني‮ ‬وبعد شوية ح أبقي‮ ‬حصلكوا علي‮ ‬مهلي،‮ ‬اتفضلي‮ ‬معاهم‮ ‬يا داده‮.‬
الوصيفة‮:‬‮ ‬لكن‮ ‬يا مولاتي‮.‬
الأميرة‮:‬‮ ‬خلاص‮ ‬يا داده شوق،‮ ‬أسبقوني‮ ‬أنتم وأنا بعدين أبقي‮ ‬أحصلكم،‮ ‬ما فيش داعي‮ ‬لأي‮ ‬خوف‮.‬
الوصيفة‮:‬‮ ‬أمر مولاتي‮ (‬ينصرف الثلاثة ويتبعهم‮ ‬غدران ببصره حتي‮ ‬يتأكد من خلو المكان‮).‬
غدران‮:‬‮ ‬ودلوقت،‮ ‬مولاتي‮ ‬موش عاوزة تعرف الاتفاق؟
الأميرة‮:‬‮ ‬أظن دلوقت تقدر تقول كل حاجة بكل حرية‮.‬
غدران‮: ‬شركة‮ ‬يا مولاتي،‮ ‬أنتي‮ ‬بالحب وأنا بالبندقية
الأميرة‮:‬‮ ‬أنا موش فاهمه أي‮ ‬حاجة،‮ ‬وضح كلامك‮.‬
غدران‮: ‬مولاتي‮ ‬موش ملاحظة أن كل الحيوانات بتحبها وبتقرب منها من‮ ‬غير أي‮ ‬خوف؟
الأميرة‮:‬‮ ‬وأنا كمان بأحب كل الحيوانات وكل الطيور والحشرات،‮ ‬حتي‮ ‬الشجر الأخضر بأحبه وافتكر أن هوّ‮ ‬كمان بيحبني‮.‬
غدران‮:‬‮ ‬مالناش دعوه لا بالشجر ولا الحشرات خلينا في‮ ‬الطيور والحيوانات‮.‬
الأميرة‮:‬‮ ‬أنا موش فاهمة قصدك،‮ ‬قولتلي‮ ‬اسمك إيه؟
غدران‮: ‬غدران‮.. ‬دا اسم ما‮ ‬يتنسيش‮ ‬يا مولاتي‮ ‬بدر الزمان‮ ‬
الأميرة‮:‬‮ ‬بس اسم صعب شوية،‮ ‬نرجع لكلامنا،‮ ‬ممكن تشرحلي‮ ‬وجة نظرك‮.‬
غدران‮:‬‮ ‬باختصار‮ ‬يا مولاتي‮ ‬أنا كل اللي‮ ‬ح أعمله أني‮ ‬استخبه ورا الأشجار أو فوق الأغصان من‮ ‬غير أي‮ ‬حيوان ما‮ ‬يلمحني‮ ‬ولا‮ ‬يحس بوجودي‮.‬
الأميرة‮:‬‮ ‬وبعدين؟
غدران‮:‬‮ ‬وبعدين مولاتي‮ ‬الأميرة تغني‮ ‬وتلم كل الحيوانات اللي‮ ‬بتحبها حواليها في‮ ‬غاية الأمان‮.‬
الأميرة‮:‬‮ ‬وأنت ح تستخبي‮ ‬ليه؟
غدران‮: ‬علشان أصوب سلاحي‮ ‬واختار أغلي‮ ‬حيوان وهب أضرب في‮ ‬المليان‮.‬
الأميرة‮: ‬موش ممكن،‮ ‬يعني‮ ‬عاوزني‮ ‬أكون فخ‮ ‬يخدع الحيوانات اللي‮ ‬بتحبي؟
غدران‮:‬‮ ‬ح نتقاسم‮ ‬يا مولاتي،‮ ‬أنا كل اللي‮ ‬ح أحصل عليه‮ ‬يا دوب الربع ومولاتي‮ ‬الباقي‮ ‬بالتمام والكمال‮.‬
الأميرة‮:‬‮ ‬عاوزني‮ ‬أخدع الحيوانات اللي‮ ‬حبوني‮ ‬ووثقوا فيا؟
غدران‮:‬‮ ‬دي‮ ‬مجرد حيوانات‮ ‬يا مولاتي،‮ ‬وما تنسيش المكسب اللي‮ ‬ح نحصل عليه‮.‬
الأميرة‮:‬‮ ‬حب الحيوانات هوّ‮ ‬أكبر مكسب ليا‮.‬
غدران‮:‬‮ ‬وأنا ح أدفع تمن الحب ده،‮ ‬أنا أقّدّر الحب وأعرف‮ ‬يساوي‮ ‬قد إيه‮.‬
الأميرة‮: ‬آسفة جدا‮ ‬يا‮ ‬غدران،‮ ‬دلوقت موش ممكن أنسي‮ ‬اسمك أبدًا لأنه جاي‮ ‬من الغدر ودا اللي‮ ‬أنت عاوز تعمله مع الحيوانات‮.‬
غدران‮:‬‮ ‬مضطر‮ ‬يا مولاتي‮ ‬وإلا ح أموت من الجوع
الأميرة‮:‬‮ ‬وليه تموت من الجوع؟ اعتمد علي‮ ‬مهارتك في‮ ‬الصيد وخليك قنوع برزقك‮.‬
غدران‮:‬‮ ‬وليه أسيب صيد سهل ومضمون؟‮! ‬لو مولاتي‮ ‬موش عاوزة التلات أرباع ممكن أزود لها النسبة‮.‬
الأميرة‮: ‬ولا كل النسب؟ الحب عندي‮ ‬فوق كل المكاسب،‮ ‬أنا موش محتاجة أي‮ ‬شيء‮.‬
غدران‮:‬‮ ‬لكن أنا محتاج‮ ‬يا مولاتي‮ (‬مفكرًا‮) ‬خلاص اعملي‮ ‬لي‮ ‬الشغلانة دي‮ ‬خدمة وأكون شاكراً‮ ‬لمولاتي‮ ‬طول حياتي‮.‬
الأميرة‮:‬‮ ‬ولا دا كمان أقدر أعمله معاك ولازم تعرف إن من جد وجد،‮ ‬يعني‮ ‬مجهودك هو اللي‮ ‬يخليك موش محتاج‮.‬
غدران‮:‬‮ ‬الظاهر أن صبري‮ ‬ممكن‮ ‬ينفد مع مولاتي‮ ‬بدر الزمان‮.‬
الأميرة‮:‬‮ ‬ولو صبرك نفد،‮ ‬إيه اللي‮ ‬ممكن تعمله‮ ‬يا‮ ‬غدران؟
غدران‮: ‬غصب عني‮ ‬يا مولاتي،‮ ‬طالما موش عاوزه تبيعي‮ ‬لي‮ ‬الحب‮ ‬يبقي‮ ‬لازم استولي‮ ‬عليه‮.‬
الأميرة‮:‬‮ ‬يعني‮ ‬ممكن تعمل إيه؟
غدران‮: ‬أبسط مما تتخيلي،‮ ‬فكري،‮ ‬إيه اللي‮ ‬ممكن تعمله الحيوانات لو لقت الأميرة اللي‮ ‬بتحبهم واقعة في‮ ‬مصيدة،‮ ‬أو رجليها مقيدة،‮ ‬ولاّ‮ ‬محبوسة في‮ ‬حفرة من الحفر؟
الأميرة‮:‬‮ ‬جبان،‮ ‬مخادع،‮ ‬سيبني‮ ‬أمشي‮ ‬وإلا‮..‬
غدران‮: ‬وإلا إيه؟ ح تندهي‮ ‬الحراس‮ (‬يضحك‮) ‬ما قولت لك أنا عمري‮ ‬ما دخلت الغابة وخرجت منها خسران‮ ‬‮(‬يكتف‮ ‬الأميرة ويشدها إلي‮ ‬إحدي‮ ‬الأشجار ويختفي‮ ‬لمراقبة ما‮ ‬يحدث شاهرًا سلاحه مع ضحكات مستمرة بينما نسمع أصواتاً‮ ‬قادمة للعصافير وباقي‮ ‬الحيوانات‮)‬
الأميرة‮: (‬بأعلي‮ ‬صوت‮) ‬ابعدوا من كل المكان،‮ ‬أرجوكم ما حدش‮ ‬يقرب مني،‮ ‬موش عاوزة أي‮ ‬كائن‮ ‬ييجي‮ ‬لحد عندي‮ ‬أنا دلوقت خطر عليكم،‮ ‬ابعدوا أرجوكم من كل المكان‮ (‬تنهار باكية‮)‬
أرنب 1‮: (‬صغير الحجم‮ ‬يدخل ويجري‮ ‬مسرعا أمام الأميرة مع موسيقي‮ ‬مطاردة متوترة‮) ‬اطمني‮ ‬يا مولاتي‮ ‬أحنا شوفنا وسمعنا كل حاجة‮.‬
أرنب2‮: (‬أكبر في‮ ‬الحجم من أرنب‮ ‬1 ‮) ‬وزمان القرد بيفكر لنا في‮ ‬فكرة تخلصك من الشرير‮ ‬غدران‮ ‬‮(‬يجري‮ ‬مسرعًا‮)‬
الأميرة‮: ‬موش عاوزه حد‮ ‬يقرب مني،‮ ‬أرجوكم أنا خطر عليكم
أرنب‮ ‬1‮: (‬يعاود الدخول من الجهة التي‮ ‬خرج منها ويفك الحبل قليلا ويهرب ويتبعه أرنب‮ ‬2 ‮ ‬ليفك الحبل ويهرب بسرعة ويدخل كذلك الغزال ويختفي‮ ‬مسرعًا‮)‬
الأميرة‮: ‬بلاش أنت‮ ‬يا‮ ‬غزال،‮ ‬أكيد الخطة دي‮ ‬الهدف من وراها حيوان كبير زيك
الدب‮: (‬يدخل مسرعا ويختفي‮)‬
جاموس‮: (‬يتبع الدب بسرعة ويختفي‮)‬
أرنب‮ ‬1‮: (‬يدخل لتكملة فك الأميرة ثم‮ ‬يختفي‮ ‬مسرعًا‮)‬
أرنب‮ ‬2 ‮: (‬يدخل ويحرر الأميرة من كل قيدها‮)‬
الأميرة‮: ‬هو إيه اللي‮ ‬بيحصل؟ أنتوا إزاي‮ ‬بتدخلوا لحد هنا وتخرجوا من‮ ‬غير‮ ‬غدران ما‮ ‬يصطاد حد منكم‮.‬
الغزال‮: (‬يدخل‮) ‬ولا عمره ح‮ ‬يقدر‮ ‬يصطاد لأنه صياد طماع
أرنب‮ ‬1 ‮: (‬يدخل‮) ‬وهيّ‮ ‬دي‮ ‬الخطة البسيطة‮ ‬يا مولاتي‮ ‬الأميرة‮.‬
الدب‮: (‬يدخل ضاحكًا‮)‬‮ ‬خلاص أمان،‮ ‬غدران الطمعان اختفي‮ ‬في‮ ‬الغابة‮.‬
الأميرة‮: ‬اختفي؟
الدب‮: ‬وزمان باقي‮ ‬القرود والزراف توهوه ويمكن ما‮ ‬يرجعش تاني‮ ‬
الأميرة‮: ‬أنا موش فاهمة حاجة،‮ ‬غدران كان مجهز سلاحه ومستخبي‮ ‬علشان‮ ‬يصطاد أي‮ ‬حيوان بيقرب منكم ليا
أرنب‮ ‬1 ‮: ‬وعلشان كده دخلت له أنا الأول‮ ‬يا مولاتي‮ ‬وأنا أصغر حيوان ممكن‮ ‬يشوفه‮ ‬غدران‮.‬
أرنب‮ ‬2 ‮: ‬بس ما كنش ممكن‮ ‬يصيد أرنب أصغر لو أنا ظهرت بحجمي‮ ‬الكبير‮.‬
الغزال‮: ‬ولما أظهر أنا‮ ‬يبقي‮ ‬موش ممكن‮ ‬يصيد أرنب بدالي
الدب‮: ‬أمال لما‮ ‬يلمحني‮ ‬أنا حتي‮ ‬ولو من بعيد؟
الأميرة‮: ‬بقي‮ ‬الحكاية كده‮.‬
الدب‮: ‬طبعا ظهور الجاموس خلي‮ ‬لعاب‮ ‬غدران‮ ‬يسيل
الغزال‮: ‬ولما جه‮ ‬يطارد الجاموس ظهر له الزراف،‮ ‬ومولاتي‮ ‬عارفة سرعته‮.‬
أرنب1 ‮: ‬يعني‮ ‬ح‮ ‬يفضل‮ ‬غدران‮ ‬يطارد حيوان ولما‮ ‬يظهر له الأكبر‮ ‬يسيب الأول ويطارد بداله التاني
أرنب2 ‮: ‬لحد الشمس ما تغيب ويخلص النهار ويطلع‮ ‬غدران لأول مرة خسران‮.‬
الدب‮: ‬علشان طمعان،‮ ‬ما رضيش باللي‮ ‬بيروح بيه كل‮ ‬يوم
غزال‮: ‬وطمعه خلاه‮ ‬يفكر أنه ممكن‮ ‬يخلص الغابة من كل الحيوانات اللي‮ ‬فيها‮.‬
أرنب‮ ‬2 ‮: ‬لما عرف أننا كلنا بنحب الأميرة
عصفور‮:‬‮ ‬لكن اللي‮ ‬غدران ما‮ ‬يعرفوش
زهرة‮ ‬1 ‮:‬‮ ‬أن الحب أقوي‮ ‬بكثير من الطمع والغدر
زهرة‮ ‬2 ‮: ‬ودا اللي‮ ‬ح‮ ‬يضيع عليه باقي‮ ‬النهار،‮ ‬ويمكن ما‮ ‬يعرفش‮ ‬يرجع تاني‮.‬
عصفور‮ ‬4 ‮:‬‮ ‬مولاتي‮ ‬بدر الزمان بخير
الأميرة‮: ‬الحمد لله أنا كنت خايفة جدا عليكم
غزال‮:‬‮ ‬اللي‮ ‬قلبه مليان بالحب عمر الخوف ما‮ ‬يدخل فيه أبدًا‮.‬
عصفور‮:‬‮ ‬مولاتي‮ ‬بدر الزمان حمد الله علي‮ ‬السلامة‮ (‬تتجمع كل الحيوانات حول الأميرة لتقديم أغنية الفينال والتي‮ ‬تقول كلماتها إن الحب لا‮ ‬يهزم ومن قنع بعمل‮ ‬يده كسب كثيرًا أما الطماع فلا‮ ‬يحصل إلا علي‮ ‬السراب‮).‬
ستار

 

تأليف‮: ‬فتحي‮ ‬الكوفي

معلومات أضافية

  • النص المسرحي: مسرحية‮ ‬غابة الحب مسرحية عرائس
  • تأليف: ‬فتحي‮ ‬الكوفي
  • معلومات عن المؤلف:
  • منشور في جريدة مسرحنا العدد رقم : ٢٤٠

تعليقاتكم

تأكد من مليء جميع الحقول المشار اليها بعلامة (*)

You are here