اشترك الآن في "مسرحنا" ويمكنك الحصول علي " جريدة مسرحنا " كل أسبوع أينما كنت أرسل حوالة بريدية الي مؤسسة الأهرام_شارع الجلاء_القاهرة_اشتراكات الاهرام/ جريدة مسرحنا .. سعر النسخة لمدة عام: 52 جنيها داخل مصر 65 دولارا للدول العربية 95 دولارا للدول الأجنبية

فنان

قييم هذا الموضوع
(0 تقيم)

 

فاخر محمد فاخر
فنان ممثل
السن‮: ‬خمسين
راجل بسيط أسمر
في‮ ‬خارج التمثيل‮: ‬خفيض الصوت
في‮ ‬إيده دبلة جواز
يقولو له‮ ‬يخلعها‮ »‬عشان الشغل‮«‬
ما بتتخلعش
صباعه أصله مرة كان انكسر
هو اللي‮ ‬قال لي
وكان‮ ‬يقول لي‮ ‬حاجات كتير
واللي‮ ‬ما كانش‮ ‬يقوله كنت اعرفه
أشوفه مرسوم
‮»‬محلا الحياه حتي‮ ‬ولو فتافيت‮«‬
‮»‬محلا الحياه ولو في‮ ‬أواخرها‮«‬
‮»‬أنا باحب الضحك‮«‬
‮»‬باعرف أخلي‮ ‬الخلق تبكي‮ ‬صبيب‮«‬
‮»‬عيوني‮ ‬سهيانه لكين لها فعل‮«‬
‮»‬الكشافات دي‮ ‬بنت كلب
كانت ح تعميني‮«‬
‮»‬أنا هه أهه مش مريض
جيت في‮ ‬المعاد‮«‬
‮»‬مين اللي‮ ‬واقف ده ورا الديكورات؟
ده الموت؟ ده جي‮ ‬لمين هنا؟
لحد تاني
مسكين مابيدبقش في‮ ‬العافيه
لكين خلاص دوره‮«‬
‮»‬كان دور صغير بس كان دور جميل‮«‬
‮»‬امتي‮ ‬العمل‮ ‬ينتهي؟‮«‬
‮»‬عاوز أنام لي‮ ‬قد كام ساعه‮«‬
‮»‬الليل ده زي‮ ‬عطيل‮«‬
‮»‬وكل شيء ديدمونه‮«‬
‮»‬عاوز أنام حبه‮«‬
‮»‬اتنين صباحا‮ ‬ياه‮«‬
‮»‬اتنين صباحا‮«‬
أبكي‮ ‬عليه؟ والا علي‮ ‬روحي؟
والا علي‮ ‬بلدي؟
فاخر محمد فاخر
من‮ ‬غير قوافي‮ ‬كتبت فيه مرثاه
أكمنه مات مش زي‮ ‬كل الناس

صلاح جاهين

معلومات أضافية

  • منشور في جريدة مسرحنا العدد رقم : ٢٦٣

تعليقاتكم

تأكد من مليء جميع الحقول المشار اليها بعلامة (*)

You are here